بولاشاققا جول اشۋ! ەل ىشىندەگى العاشقى ساۋدالىق تيجارات جۇرگىزەتىن قالاداعى كەڭىستىكتىك رەلستى پويەز ۋحاندا سالىنىپ بولىپ، سىناق رەتىندە قاتىنادى
2023.05.12 15:32 كەلۋ قاينارى : حالىق تورابى
پويەز كوكتەگى رەلىستىڭ استىندا زىمىراپ كەلە جاتاتىن عىلىمي فانتازيالىق كورىنس جۋىردا ۋحان قالاسى دۇڭحۋ جاڭا تەحنيكانى اشۋ رايونىندا رەالدىققا اينالدى. ءتىلشىنىڭ 5 – ايدىڭ 11 – كۇنى ۋحان قالاسى گۋاڭگۋ قاتىناس قۇرىلىسى شەكتى سەرىكتەستىگىنەن ۇعىسۋىنشا، گۋاڭگۋ كەڭىستىكتىك رەلستى پويەز جان – جاقتى بايلانىستىرىپ تەكسەرۋ جانە سىناق رەتىندە ىسكە قوسۋ كەزەڭىندە بولىپ، بارلىق ءۇردىسى ءساتتى ورىندالۋدا. كەڭىستىكتىك رەلستى پويەز دەگەنىمىز اسپالى فورماداعى جالعىز رەلستى پويەز، جاڭا تيپتەگى ورتاشا، تومەن تاسىمال مولشەرىندىك رەلستى قاتىناس فورماسى سانالادى. ءداستۇرلى قاتىناس فورماسىمەن ۇقسامايدى، كەڭىستىكتىك رەلستى پويەزدىڭ تۇلعاسى رەلستىڭ استىڭعى جاعىندا اسپالى فورمادا ”ۇشاتىندىقتان“، ”كوكتەگى پويەز“ دەگەن اتقا يە بولعان، جەر بەتىندەگى جول ۇقىعىن يەلەمەۋ، ورتاعا ۇيلەسىمدىلىك قۋاتى كۇشتى بولۋ، كورىنىس تاماشالاۋ ونىمدىلىگى جاقسى بولۋ قاتارلى ابزالدىلىقتارعا يە، قاتىناس جانە كورىنىس تاماشالاۋ رولىنا بىردەي يە.
”گۋاڭگۋ كەڭىستىكتىك رەلستى پويەزىنە العاشقى مەزگىلدە 2 ۆاگون قولدانىلادى، ەڭ كوپ بولعاندا 220 نەشە ادام وتىرا الادى، ەڭ جوعارى ساعاتتىق جىلدامدىعى 60 كيلومەتر“، — دەيدى ۋحان گۋاڭگۋ قاتىناس قۇرىلىسى شەكتى سەرىكتەستىگىنىڭ جابدىق جۇيەسى باس باقىلاۋشىسى ۋاڭ ان – جۇن. پويەزدىڭ قوزعالۋى، توقتاۋى، قويمادان شىعۋى، قويماعا كىرۋى، ەسىكتى اشىپ – جابۋى، ءتۇزۋ سىزىق بويىنشا ءجۇرۋى قاتارلى باسقىشتاردىڭ بارلىعىن تولىق بارىس بويىنشا اۆتوماتتاندىرۋ ىسكە اسىرىلعان، ادامنىڭ مەڭگەرۋىنىڭ قاجەتى جوق، شوفەر تەك پويەز شۇعىل جاعدايعا جولىققاندا عانا مەڭگەرسە بولعانى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
