ەلىمىزدەگى ون مىڭ مەتر تەرەڭدىكتەگى جەر استىندا عىلىمي بارلاۋ جۇرگىزەتىن تۇڭعىش قۇدىق شينجياڭداعى تارىم ويپاتىندا قازىلا باستادى
2023.05.31 14:06 كەلۋ قاينارى : حالىق تورابى
سۋرەتتە: ينجەنەرلەر 5 – ايدىڭ 30 – كۇنى تارىم ويپاتىندا تەرەڭ جەر استىندا عىلىمي بارلاۋ جۇرگىزەتىن 1 – ءنومىرلى قۇدىقتى قازۋ ماشيناسىنىڭ جۇمىس ىستەۋ جاعدايىن تەكسەرۋدە.
ەلىمىزدەگى ون مىڭ مەتر تەرەڭدىكتەگى جەر استىندا عىلىمي بارلاۋ جۇرگىزەتىن تۇڭعىش قۇدىقتى قازۋ جۇمىسى 5 – ايدىڭ 30 – كۇنى شينجياڭداعى تارىم ويپاتىندا رەسمي باستالدى، بۇل قۇدىقتىڭ اتى ”تارىم ويپاتىندا تەرەڭ جەر استىندا عىلىمي بارلاۋ جۇرگىزەتىن 1 – ءنومىرلى قۇدىق“ دەپ اتالادى، قۇدىقتىڭ تەرەڭدىگى مەجەمەن 11100 مەتر بولادى، قۇدىق تاكلاماكان ءشولىنىڭ قويناۋىندا. قۇدىقتى قازۋدىڭ الدىندا جەر بەتىندە مەجەمەن 20 قابات عيماراتتىڭ بيىكتىگىندەي بولات سورە ورنالاستىرىلىپ، ءشولدىڭ قويناۋىندا ورنىقتى ەڭسە كوتەرەدى. قۇدىقتى قازۋ باستالعان سوڭ، بۇرعى تۇمسىعى، بۇرعىلاۋ باعانى، قاپتاما تۇتىك قاتارلى سالماعى 2000 توننادان اساتىن اسپاپتار جەردىڭ تەرەڭ قاتپارىنا سۇعىنىپ، بور داۋىرىنە جاتاتىن 10 نەشە قاباتتى تەسىپ ءوتىپ، جەردىڭ تەرەڭ قاتپارىنا بارلاۋ جۇرگىزەتىن ”ءدۇربىنىڭ“ رولىن اتقارادى.
مامانداردىڭ تانىستىرۋىنشا، ون مىڭ مەتر تەرەڭ قۇدىقتى قازۋ — جەردىڭ ءتىلسىم قاتپارىنا بارلاۋ جۇرگىزىپ، ادامزاتتىڭ تانىم كوكجيەگىن كەڭەيتۋدەگى باتىل سىناق. شينحۋا اگەنتتىگىنىڭ ءتىلشىسى لي شياڭ فوتوسى
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
