شانشيدىڭ سولتۇستىگىنەن شامامەن 3200 جىلدىڭ الدىنداعى شاڭ داۋىرىندەگى ءىرى تيپتى ەلدى مەكەننىڭ جۇرتى تابىلدى
2023.05.31 15:02 كەلۋ قاينارى : حالىق تورابى
 |
سۋرەتتە: جايگوۋ جۇرتى ليۋجياتا قابىرىنداعى قازبانىڭ ورنى. شانشي ولكەلىك ارحەولوگيالىق زەرتتەۋ مەكەمەسى بەرگەن سۋرەت
|
شينحۋا اگەنتتىگىنىڭ ءتىلشىسى ياڭ يمياۋ 5 – ايدىڭ 30 – كۇنى شي – اننان حابارلايدى. ءتىلشىنىڭ 5 – ايدىڭ 30 – كۇنى شانشي ولكەلىك ارحەولوگيالىق زەرتتەۋ مەكەمەسىنەن ۇعىسۋىنشا، ارحەولوگيا قىزمەتكەرلەرى شانشيدىڭ سولتۇستىگىندەگى چيڭجيان اۋدانىنان شامامەن 3200 جىلدىڭ الدىنداعى شاڭ داۋىرىندەگى ءىرى تيپتى ەلدى مەكەننىڭ جۇرتى — جايگوۋ جۇرتىن بايقاعان.
جايگوۋ جۇرتى شانشي ولكەسى يۇيلين قالاسى چيڭجيان اۋدانى جيەجياگوۋ قالاشىعى جايگوۋ قىستاعىندا، سولتۇستىك شانشيدەگى سارى توپىراقتى ءۇستىرتتىڭ وكپە تۇسىنا ورنالاسقان. 2022 – جىلدان باستاپ، شانشي ولكەلىك ارحەولوگيالىق زەرتتەۋ مەكەمەسى وسى ارادا ارحەلوگيالىق قازبا جۇمىستارىن جۇرگىزگەن، قازىرگە دەيىن كەڭ كولەمدى توپىراقتى شىڭداۋ تاسىلىمەن سالىنعان قۇرىلىستار، ءىرى زيرات، شاعىن زيرات، كۇل شۇڭقىر، فارفور قالىبى قاتارلى ءتۇرلى مۇرالار ساقتالىپ قالعان، جۇرتتىڭ كولەمى شامامەن ءۇش ميلليون شارشى مەتر.
شانشي ولكەلىك ارحەلوگيالىق زەرتتەۋ مەكەمەسىنىڭ تەتە اعا زەرتتەرمەنى سۇن جانۋەيدىڭ تانىستىرۋىنشا، بۇل مۇرالار 11 توبەشىككە بولىنە ورنالاسقان، كولەمى اسا زور، مۇرالار وتە مول، ءتۇرلى زاتتاردىڭ بارلىعى تابىلاتىن شاڭ داۋىرىندەگى ەلدى مەكەننىڭ جۇرتى سانالادى. مۇنىڭ ىشىندە، قازىر 9 ورىننان جوعارى دارەجەلى اقسۇيەكتەردىڭ قابىرى، 3 ورىننان ”甲“ ءارىبى فورماسىنداعى 7 ءىرى قابىر بايقالعان. قابىردان كوپ مولشەردەگى ات اربا جابدىقتارى، قاس تاسى بۇيىمدارى، سۇيەكتەن جاسالعان بۇيىمدار، سىرلى بۇيىمدار، تاسباقا ساۋىتى تابىلعان، يىنشۇي جۇرتىنا ءتان جوعارى جىكتەگىلەرمەن مادەنيەتىنىڭ ۇقساس ەكەنىن كورۋگە بولادى، بۇل سارى توپىراقتى ادىرلى وڭىرلەر مەن شاڭ پاتشالىعى اراسىنداعى ەكونوميكالىق، مادەني قارىم – قاتىناستىڭ ءجيى بولعانىن، سونداي – اق، شاڭ پاتشالىعىنىڭ توڭىرەگىندەگى وڭىرلەرگە كۇشتى ىقپال جاساعانىن كورسەتەدى.
كەلۋ قاينارى: حالىق تورابى
 |
سۋرەتتە: جايگوۋ جۇرتىنان بايقالعان كوگىلدىر اقىقتى قولادان جاسالعان قۇس فورماسىنداعى اشەكەي بۇيىم. سۋرەتتى شانشي ولكەلىك ارحەولوگيالىق زەرتتەۋ مەكەمەسى بەرگەن
|
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
