ەلىمىزدە حالىقتىق ۇشقىشسىز ۇشاق سالاسىندا تۇڭعىش رەتكى ءماجبۇرلى سيپاتتاعى مەملەكەتتىك ولشەم كەلەسى جىلى 6 – ايدا اتقارىلادى
2023.06.05 15:45 كەلۋ قاينارى : حالىق تورابى
بازاردى باقىلاۋ – باسقارۋ باس مەكەمەسى 6 – ايدىڭ 2 – كۇنى «حالىقتىق ۇشقىشسىز اۆياتسيالىق اسپاپ جۇيەسىنىڭ حاۋىپسىزدىگى جونىندەگى تالاپ» اتتى ءماجبۇرلى سيپاتتى مەملەكەتتىك ولشەمدى جاريالادى، بۇل ەلىىمزدىڭ حالىقتىق ۇشقىشسىز ۇشاق سالاسىنداعى تۇڭعىش رەتكى ءماجبۇرلى سيپاتتى مەملەكەتتىك ولشەمى سانالادى، 2024 – جىلى 6 – ايدىڭ 1 – كۇنىنەن باستاپ اتقارىلادى.
حالىقتىق ۇشقىشسىز اۆياتسيالىق اسپاپ اۋىز ەكى تىلدە حالىقتىق ۇشىقشسىز ۇشاق دەپ اتالادى، ول اۋىل شارۋاشىلىعى، ورمان شارۋاشىلىعى، ەلەكتر قۋاتى، اۋا رايى، تەڭىز – مۇحيت ايدىنىندا تەكسەرۋ - باقىلاۋ جۇرگىزۋ، الىستان سەزۋ جۇيەسى ارقىلى ولشەۋ – سىزۋ، شۇعىل جاعدايدا قۇتقارۋ – كومەكتەسۋ قاتارلى سالالاردا كەڭىنەن قولدانىلادى، الايدا، ءبىر تۇتاس ساپالىق حاۋىپسىزدىك ولشەمى كەمشىل بولعاندىقتان، از ساندى كاسىپورىنداردىڭ ونىمدەرىنىڭ جوبالانۋى ۇيلەسىمسىز بولىپ، حاۋىپسىزدىگىندە كومەسكى قاتەر ساقتالىپ وتىر. اتالعان ولشەم اۆياتسيالىق ۇلگىدەن سىرت، ۇساق تيپتەگى، جەڭىل تيپتەگى جانە شاعىن تيپتەگى حالىقتىق ۇشقىشسىز ۇشاقتارعا قولدانىلادى، ەلەكتروندى قورشاۋ، الىس ارالىقتان پارىقتاۋ، شۇعىل جاعدايدا ءبىر جاقتى ەتۋ، تۇتاس ۇشاق قۇلاعان جاعداي، قوزعاۋشى كۇش ەنەرگيا جۇيەسى، مەڭگەرىمدىلىگى، اعاتتىق تۋىلۋدان ساقتانۋ قاتارلى 17 جاقتان ءماجبۇرلى سيپاتتاعى تەحنيكالىق تالاپتاردى جانە سايكەستى سىناقتان وتكىزۋ ادىستەرىن ورتاعا قويعان، جوبالاۋعا جانە وندىرۋگە، بەلگىلەمەگە تولىمدىلىعىن تەكسەرۋگە جەتەكشىلىك ەتەدى، سونداي – اق، پايدالانۋشىلاردىڭ حاۋىپسىز پايدالانۋىن قامتاماسىزداندىرىپ، حاۋىپسىزدىكتىڭ تومەنگى شەگىن اناعۇرلىم بەكەمدەپ، حالىقتىق ۇشقىشسىز ۇشاق ءوندىرىسىنىڭ اقاۋسىز دامۋىن ىلگەرىلەتەدى. (ءتىلشى: جاۋ ۋىنجۇن)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
