شىنجوۋ 15 – ءنومىرلى عارىشكەرلى الەم كەمەسىنىڭ قايتۋ كابيناسى ءساتتى قوندى
شىنجوۋ 15 – ءنومىرلى عارىش كەمەسىنىڭ عارىشقا ادام الىپ ۇشۋ مىندەتى ءساتتى ورىندالدى
2023.06.05 16:11 كەلۋ قاينارى : حالىق تورابى
«حالىق گازەتى»، 6 - ايدىڭ 4 – كۇنى، بەيجيڭ (تىلشىلەرى ليۋ شى - ياۋ، لين يۋان). جۇڭگو عارىشقا ادام الىپ ۇشۋ ينجەنەرياسى كەڭسەسىنىڭ حابارىنا قاراعاندا، بەيجيڭ ۋاقىتى 2023 - جىلى 6 - ايدىڭ 4 - كۇنى ساعات 6 دان 33 مينۋت وتكەندە شىنجوۋ 15 - ءنومىرلى عارىشكەرلى الەم كەمەسىنىڭ قايتۋ كابيناسى دۇڭفىڭ قۇرلىققا قونۋ الاڭىنا ءساتتى قونعان، ناق مايدانداعى ەمدەۋ قامسىزداندىرۋىن باقىلاۋشىلار عارىشكەرلەر فەي جۇنلۇڭ، دىڭ چيڭميڭ، جاڭ لۋدىڭ دەنساۋلىقتارىنىڭ جاقسى ەكەنىن تۇراقتاندىرعان، شىنجوۋ 15 - ءنومىرلى الەم كەمەسىنىڭ ادام الىپ ۇشۋ مىندەتى تولىق تابىستى بولعان.
ساعات 5 تەن 42 مينۋت وتكەندە، ۇشۋ ءتارتىبى بويىنشا، شىنجوۋ 15 – ءنومىرلى عارىشكەرلى الەم كەمەسىنىڭ وربيتا كابيناسى مەن قايتۋ كابيناسى ءساتتى ءبولىندى. وسىدان كەيىن الەم كەمەسى قايتىمدى قوزعالتقىش موتورىن وتالدىرىپ، قايتۋ كابيناسى مەن قوزعاۋشى كابينا ءبولىنىپ، قايتۋ كابيناسى ءساتتى قونىپ، ىزدەۋ، قۇتقارۋ مىندەتىن ۇستىنە العان ىزدەۋ، قۇتقارۋ بولىمشە اترەتى نىسانانى دەر كەزىندە بايقاپ، قونۋ ناق مايدانىنا جەتتى. قايتۋ كابيناسىنىڭ ەسىگى اشىلعاننان كەيىن ەمدەۋ - دەنساۋلىق ساقتاۋ قىزمەتكەرلەرى عارىشكەرلەردىڭ دەنساۋلىق جاعدايىن تۇراقتاندىردى.
شىنجوۋ 15 - ءنومىرلى عارىشكەرلى الەم كەمەسى 2022 – جىلى 11 - ايدىڭ 29 – كۇنى جيۋچۋان جاساندى سەرىك ۇشىرۋ ورتالىعىنان ۇشىرىلىپ، ونان سوڭ تيانحى وزەكتى بولمەسىمەن ءتۇيىلىسىپ، بىرىككەن تۇلعا قالىپتاستىردى. 3 عارىشكەر وربيتادا تۇرعان مەزگىلدە قىرۋار كەڭىستىك تاجىريبەسىن (سىناق) ورىنداپ، 4 رەت كابينادان شىعۋ قيمىلىن جۇرگىزىپ، كابينا سىرتىنداعى كەڭەيتىلگەن ناسوس گرۋپپاسىن ورناتۋ، كابينا اتتاعان كابەل ورناتۋ، كابينا سىرتىنداعى كوتەرىمدىلىكتى اشىق ۇستاۋ تۇعىرىنىڭ تىرەۋىش تاياقشاسىن ورناتۋ سياقتى مىندەتتەردى ءساتتى ورىنداپ، كەڭىستىك ستانسياسىنىڭ كوپ رەتكى زات شىعارۋ مىندەتىن ورىنداۋعا سايكەسىپ، كەيىنگى كەڭ كولەمدى عىلمي جانە تەحنيكالىق تاجىريبە جۇرگىزۋگە نەگىز قالادى.
قازىرگە دەيىن مىندەت اتقارعان كەزدەگى ورتاشا جاسى ەڭ ۇلكەن عارىشكەرلەر گرۋپپاسى رەتىندە، ولار جۇڭگو عارىشكەرلەرىنىڭ جەكە - جەكە كابينادان شىعۋ قيمىل رەت سانى رەكوردىن جاڭالاپ قانا قويماي، جۇڭگو كەڭىستىك بەكەتىنىڭ جاپپاي قۇرىلۋ تاريحي ساتىنە دە كۋا بولدى.
شىنجوۋ 15 – ءنومىرلى ادام الىپ ۇشۋ مىندەتىن تابىسپەن ورىنداعان عارىشكەرلەر گرۋپپاسىنداعىلار 6 - ايدىڭ 4 - كۇنى ۇشاقپەن بەيجيڭگە امان - ەسەن جەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
