جەر شارىندا ەستەلىككە الىنعاننان بەرگى ەڭ ىستىق ءبىر كۇن بولدى
2023.07.07 15:20 كەلۋ قاينارى : حالىق تورابى
عىلىم – تەحنيكا گازەتىنىڭ 7 – ايدىڭ 5 – كۇنى بەيجيڭنەن بەرگەن حابارى. جەر شارىندا جاڭا عانا ەستەلىككە الىنعاننان بەرگى ەڭ ىستىق ءبىر كۇن بولدى. انگليا «جاڭا عالىم» تورابىنىڭ 7 – ايدىڭ 4 – كۇنى بەرگەن حابارىنا قاراعاندا، ا ق ش مەملەكەتتىك تەڭىز - مۇحيت جانە اتىموسفەرا باسقارۋ مەكەمەسى (NOAA)، ا ق ش ماين داشۋەسى جيناقتاعان ساندى مالىمەتتەردە كورسەتىلۋىنشە، 7 - ايدىڭ 3 - كۇنى جەر بەتىنەن 2 مەتر بيىكتىكتە ەستەلىككە الىنعان جەر شارىنىڭ ورتاشا تەمپەراتۋراسى تۇڭعىش رەت 17 سەلتسي گرادۋستان اسىپ، 17.01 سەلتسي گرادۋسقا جەتكەن، بۇل 2022 – جىلى 7 – ايداعى 16.92 سەلتسي گرادۋستىق رەكوردتى بۇزىپ، سول كۇن ەستەلىككە الىنعاننان بەرگى جەر شارىنداعى ەڭ ىستىق كۇنگە اينالدى.
ا ق ش كاليفورنيا داشۋەسىنىڭ بەركلي بولىمشە مەكتەبىندەگى روبەرت رود بىلاي دەدى: تەمپەراتۋرانىڭ تەز ورلەۋى جۋىقتا ا ق ش، ەۆروپا جانە كاناداداعى ىستىق تولقىننىڭ كەسىرىنەن، سونداي - اق ەلنينو قۇبىلىسىنىڭ تەزدەۋىنەن تۋىلعان بولۋى مۇمكىن، ەلنينو قۇبىلىسى تىنىق مۇحيت تەڭىز بەتى تەمپەراتۋراسىن ورتاشا ماننەن اسىرىپ جىبەرگەن. بيىل 6 – ايدىڭ باسىندا، NOAA ەلنينو قۇبىلىسى تۋىلعاندىعىن رەسمي جاريالادى، تىنىق مۇحيت رايونىنىڭ جىلىنۋ اۋقىمى دا ۇزدىكسىز كەڭەيۋدە، بۇل 7 - ايداعى تەمپەراتۋرانىڭ الدىڭعى بىرنەشە ايداعىدان جوعارىراق بولۋىن كەلتىرىپ شىعارۋى مۇمكىن.
بيىل 6 ـ ايدا دۇنيە ءجۇزىنىڭ كوپ جەرىندە تەمپەراتۋرا ەڭ جوعارى دەڭگەيگە جەتتى. تاياۋدا انگليا مەملەكەتتىك اۋا رايى مەكەمەسى 2023 – جىلى 6 - اي انگليادا ەستەلىككە الىنعاننان بەرگى ەڭ ىستىق اي بولىپ، سول ايداعى ورتاشا اۋا تەمپەراتۋراسى 15.8 سەلتسي گرادۋسقا جەتىپ، بۇرىنعى 6 - ايداعى ورتاشا تەمپەراتۋرادان 2.5 سەلتسي گرادۋس جوعارى بولعاندىعىن، بۇرىنعى ەڭ جوعارى رەكورتتان 0.9 سەلتسي گرادۋس جوعارى بولعاندىعىن جاريالادى. وسى قۇرىلىمنىڭ باس اۋا رايى عالىمى پاۋل داۆيس بىلاي دەدى: تابيعي وزگەرىستەن سىرت، ادامزاتتىڭ سەبەبىنەن تۋىلعان كليمات وزگەرىسىنەن جەر شارى اتموسفەراسىنىڭ جىلىنۋى دا بۇكىل جەر شارى تەمپەراتۋراسىنىڭ ەڭ جوعارى دەڭگەيگە كوتەرىلۋ مۇمكىندىگىن ارتتىردى.
سونىمەن بىرگە، ەۆروپا وداعىنىڭ كوپەرنيك كليمات وزگەرىسىنە قىزمەت وتەۋ ورتالىعىنىڭ وسى اپتاداعى ساندى مالىمەتى 2023 - جىلى 6 - ايدا دۇنيە ءجۇزىنىڭ ورتاشا اۋا تەمپەراتۋراسى ونەركاسىپتەنۋدەن بۇرىنعى ورەدەن 1.46 سەلتسي گرادۋس جوعارى بولىپ، پاريج كەلىسىمىندە بەلگىلەنگەن 1.5 سەلتسي گرادۋستىق شەشۋشى تەمپەراتۋرا كورسەتكىشىنە بارعان سايىن جاقىنداي تۇسكەندىگىن دالەلدەدى.
رود بىلاي دەپ قارادى: ەلنينو قۇبىلىسىنىڭ بيىل قالعان ۋاقىتتا اسقىنۋىنا بايلانىستى، 7 – اي، 8 – ايلارداعى بۇكىل جەر شارىنىڭ ورتاشا اۋا تەمپەراتۋراسى تاريحتاعى ەڭ جوعارى ورەنى جاراتۋى مۇمكىن، بيىل ەستەلىككە الىنعاننان بەرگى ەڭ ىستىق جىل بولۋى ابدەن مۇمكىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
