بەيجيڭدە شوفەرسىز تاكسي رەسمي ىسكە قوسىلادى
2023.07.10 13:40 كەلۋ قاينارى : حالىق تورابى
بەيجيڭ كوشەسىندەگى شوفەرسىز اۆتوموبيل. شينحۋا اگەنتتىگىنىڭ ءتىلشىسى پىڭ زىياڭ فوتوسى
شوفەرى جوق تاكسي الدىڭىزعا كەلىپ توقتاسا، تاكسيگە وتىرۋعا باتىلىڭىز بارا ما؟ الدا بەيجيڭدە شوفەرسىز تاكسي ىسكە قوسىلادى، عىلىمي فانتازيادا عانا كەزدەسەتىن جاعدايعا ەندى، مىنە، رەال ومىردە دە كۋا بولامىز. 7 - ايدىڭ 7 - كۇنى بەيجيڭ قالالىق اۆتوموبيلدى جوعارى دارەجەلى اۆتوماتتى جۇرگىزۋدەن ۇلگى كورسەتۋ رايونى قىزمەت كەڭسەسىنىڭ جاريالاۋىنشا، ينتەرنەتكە جالعانعان شوفەرسىز زەردەلى جولاۋشىلار اۆتوموبيلىن ساۋدالىق ماقساتتا پايدالانۋدى سىناق ەتۋگە رەسمي رۇقسات بەرىلگەن، بەيجيڭدە اۆتوموبيلدى اۆتوماتتى جۇرگىزۋدە جاڭالىق اشىپ دامىتۋ قىزمەتى جاڭا كەزەڭگە قادام تاستاعان.
وسى رەت رۇقسات بەرىلگەن سوڭ، «بەيجيڭ قالاسىنىڭ ينتەرنەتكە جالعانعان زەردەلى اۆتوموبيلگە قاتىستى ساياساتتارىن الدىمەن اتقارۋ رايونىنىڭ اۆتوماتتى جۇرگىزۋ ارقىلى ءجۇرىس - تۇرىسقا قىزمەت وتەۋدى ساۋدالىق ماقساتتا پايدالانۋدى سىناق ەتۋدى باسقارۋ جونىندەگى ەگجەي - تەگجەيلى ەرەجەسىنىڭ (سىناق رەتىندە اتقارىلادى)» وزگەرىس ەنگىزىلگەن نۇسقاسىنداعى ساياساتتارعا نەگىزدەلگەندە، كاسىپورىندار سايكەستى تالاپتارعا جەتكەن سوڭ، بەيجيڭ قالاسىنداعى اۆتوموبيلدى جوعارى دارەجەلى اۆتوماتتى جۇرگىزۋدەن ۇلگى كورسەتۋ رايونىندا ۇدايى اۆتوماتتى جۇرگىزىلەتىن اۆتوموبيل ارقىلى بۇقارانىڭ ءجۇرىس - تۇرىسىنا اقىلى قىزمەت وتەۋىنە بولادى.
قولفونداعى قولدانىلىمعا تىركەلگەن سوڭ، جولعا شىعاتىن ورىن مەن مەجەلى ورىندى تاڭداساڭىز، كوپ وتپەي شوفەرسىز كولىك جەتىپ كەلەدى، شوفەردىڭ ورنىنداعى رول وزدىگىنەن قوزعالادى، جولاۋشىنى وتىرعىزعان سوڭ، باياۋ قوزعالىپ جولعا شىعادى. بيىل 3 - ايدا بەيجيڭ قالاسىندا شوفەرسىز اۆتوموبيلگە ادام وتىرعىزۋدى سىناق رەتىندە پايدالانۋ ىسكە قوسىلعان، جوعارىداعىداي جاعدايدى كوپتەگەن ادامدار ”ەلدەن بۇرىن باستان كەشىرگەن“. ساناققا قاراعاندا، قازىرگە دەيىن بەيجيڭ قالاسىندا شوفەرسىز اۆتوموبيلدەن جيىنى 116 اۆتوموبيل سىناق ەتىلۋدە، جيىنى ەكى ميلليون كيلومەتر ارالىقتا سىناق ەتىلگەن. اۆتوماتتى جۇرگىزۋ ارقىلى ءجۇرىس - تۇرىسقا قىزمەت وتەۋدى ساۋدالىق ماقساتتا پايدالانۋدى سىناق ەتۋ تۇيىنىندە جيىنى ءبىر ميلليون 500 مىڭنان استام ادامدى (رەت) تاسىمالداعان، قولدانۋشىلاردىڭ جاقسى باعا بەرۋ مولشەرى %95 تەن اسقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
