تۇڭعىش رەت ا ق ش - نان اسىپ، دۇنيە ءجۇزى بويىنشا ءبىرىنشى بولدى
2023.09.22 15:10 كەلۋ قاينارى : حالىق تورابى
9 - ايدىڭ 20 - كۇنى، جۇڭگو عىلىم - تەحنيكالىق ينفورماتسيالاردى زەرتتەۋ مەكەمەسى جاريالاعان «2023 - جىلعى جۇڭگونىڭ عىلىم - تەحنيكالىق ديسسەرتاتسيالارىن ساناققا الۋ مالىمەتىنە قاراعاندا» 2022 - جىلى جۇڭگو ءارقايسى پاندەر بويىنشا ەڭ ىقپالدى جۋرنالداردا جاريالاعان ديسسەرتاتسيا سانى 16349 ماقالا بولىپ، دۇنيە جۇزىندەگى وسى تۇردەگى ديسسەرتاتسيا جالپى مولشەرىنىڭ %30.3 ىن ۇستاپ، تۇڭعىش رەت ا ق ش - نان اسىپ، دۇنيە ءجۇزى بويىنشا ءبىرىنشى ورىنعا شىققان.
ۇعىسۋعا قاراعاندا، ءارقايسى ءپان سالاسىنداعى ىقپال ەسەلىگى ەڭ جوعارى بولعان جۋرنالدار دۇنيە جۇزىندەگى ءارقايسى ءپان سالاسىنداعى ەڭ ىقپالدى جۋرنالدار دەپ قارالادى. 2022 - جىلى 178 ءپان سالاسى بويىنشا جيىنى 159 جۋرنال ەڭ ىقپالدى جۋرنال دەپ قارالعان.
2023 - جىلى 7 - ايعا دەيىن، جۇڭگودا ءتۇيىندى ماسەلەلەر بويىنشا جازىلعان ديسسەرتاتسيا سانى جيىنى 1929 ماقالا بولىپ، دۇنيە جۇزىندەگى وسى تۇردەگى ديسسەرتاتسيا جالپى ساننىڭ %45.9 ىن ۇستاعان، سانى 2022 - جىلداعى ساناقپەن سالىستىرعاندا %6.7 ارتقان، دۇنيە ءجۇزى بويىنشا 1 - ورىندى ساقتاعان، ا ق ش 2 - ورىنعا يە بولعان؛ جۇڭگونىڭ سيتات كەلتىرۋ مولشەرى جوعارى ديسسەرتاتسيا سانى 57 مىڭ 900 ماقالا بولىپ، دۇنيە جۇزىندەگى وسى تۇردەگى ديسسەرتاتسيا جالپى سانىنىڭ %30.8 ىن ۇستاعان، دۇنيە ءجۇزى بويىنشا 2 - ورىندى يەلەگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
