شىنجوۋ 17 - ءنومىرلى الەم كەمەسىندەگى عارىشكەرلەردىڭ جۇك ساندىعىندا قانداي نارسەلەر بار؟
2023.10.26 14:02 كەلۋ قاينارى : حالىق تورابى
عارىشقا التى ايلىق ”ءىسساپارعا“ باراتىن عارىشكەرلەر وزدەرىنىڭ ءبىر ءبولىم جەكەلىك بۇيىمدارىن دا عارىشقا اپارادى. شىنجوۋ 17 - ءنومىرلى عارىش كەمەسىنە وتىراتىن ءۇش عارىشكەر قانداي نارسەلەردى اپارماقشى؟ بۇيرىق بەرۋشى تاڭ حۇڭبو الدىڭعى جولى شىنجوۋ 12 - نومىرلىمەن مىندەت اتقارۋعا بارعان كەزدە ءبىر تال ءتاتتى كارتوپ الا بارعان بولاتىن، وسى جولى ول قانداي نارسەلەردى اپارماقشى؟
عارىشكەر تاڭ حۇڭبو: ءسوزسىز، وسىمدىك الىپ شىعامىن. مەن تابيعاتپەن ەتەنە ءوتۋدى ۇناتامىن، تابيعاتقا جاقىن زاتتاردى جاقسى كورەمىن. ەگەر عارىشقا وسىمدىك الىپ شىقسام، ول كۇندە وزگەرىپ وتىرادى، بۇرلەيدى، بيىكتەيدى، مەنىڭ ءار كۇنگى كوڭىل - كۇيىم دە وزگەشە بولادى. ويتكەنى، عارىشتاعى ورتادا اينالامىزدىڭ بارلىعى ءتۇرلى اسپاپتار بولادى، اينالامىزدىڭ بارلىعى كورىك، ولشەۋىش اسپاپتار بولعاندىقتان، جالعىزسىراپ قالامىز، وزىممەن بىرگە كىشكەنتاي وسىمدىكتى الا كەتسەم، كوڭىل - كۇيىم وزگەشە بولادى، وزگەشە ءۇمىتتى سەزىنەمىن.
عارىشكەر تاڭ شىڭجيە: جەكەلىك زاتتى الىپ بارۋ جونىندە ايتسام، باستىسى، وتباسىمداعىلار ماعان ۇسىنعان شاعىن ساۋعالاردى، مۇنان سىرت، وتباسىمداعىلاردىڭ سۋرەتتەرىن الا بارۋدى ويلايمىن. عارىشتاعى مۇنداي مىندەتتىڭ ەرەكشەلىگى مەن حاۋىپسىزدىككە قويىلاتىن تالاپقا سايكەس، جەكەلىك زاتتاردىڭ سانى، زاتتاردىڭ ءتۇرى، تۇرپاتى جاعىندا ءبىرشاما قاتاڭ تالاپتار قويىلادى، سوندىقتان، حاۋىپسىزدىككە كەپىلدىك ەتۋ شارتىندا، مەن ءوزىم ۇناتاتىن جەكەلىك زاتتاردى الىپ شىعامىن، مەنىڭشە بۇل عارىشتاعى 6 ايلىق تۇرمىسقا اناعۇرلىم مەيىر سيلايدى، مەنىڭ قىزمەتتى اناعۇرلىم ويداعىداي ورىنداۋىما مەدەۋ بولادى.
عارىشكەر جياڭ شينلين: جەكەلىك بۇيىمدارىم ءبىر ءبولىم ەستەلىك بۇيىمدار، تۇڭعىش رەت عارىشقا ۇشقان كەزىمەن ەستەلىك بولادى، جەكەلىك بۇيىمداردى كوپ دايىنداعان جوقپىن، وتباسىمداعىلاردىڭ سۋرەتى، قىسىمنان ارىلتاتىن لۋبان قۇلپىسى سياقتى كەيبىر ويىنشىقتار الىپ بارامىن. ءبىز عارىشقا بارعان سوڭ كوكتەم مەرەكەسىن سول جەردە وتكىزەمىز، سوندىقتان، باستىسى كوكتەم مەرەكەسىندە پايدالاناتىن مەرەكەلىك بۇيىمداردى الىپ بارامىن، سول كەزدە عارىشتان سىزدەرگە مەرەكەلىك سالەم جولدايمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
