اي جىنىسى ايدىڭ 4 ميلليارد 460 ميلليون جىلدىڭ الدىندا قالىپتاسقانىن كورسەتتى
2023.10.26 14:03 كەلۋ قاينارى : حالىق تورابى
سۋرەتتە: 2022 - جىلى 11 - ايدىڭ 8 - كۇنى بەيجيڭنەن تۇسىرىلگەن ايدىڭ تۇتىلۋى. شينحۋا اگەنتتىگىنىڭ ءتىلشىسى جاڭ چىڭ فوتوسى
شينحۋا اگەنتتىگىنىڭ 10 - ايدىڭ 24 - كۇنى بەيجيڭنەن بەرگەن حابارى. ا ق ش عارىشكەرلەرى 1972 - جىلى 12 - ايدا ايعا شىعۋ مىندەتىن ورىنداعان كەزدە، ايدىڭ توپىراعى مەن اي جىنىسىنان 110 كيلوگرامنان استام ۇلگىنى جەر شارىنا الىپ قايتقان بولاتىن. قازىرگى تاڭدا، 50 نەشە جىل وتكەن سوڭ، زەرتتەرمەندەر ەڭ جاڭا تەحنيكا ارقىلى اي جىنىسىنداعى سيركون كريستالىنا تالداۋ جۇرگىزۋ بارىسىندا، اي 4 ميلليارد 460 ميلليون جىلدىڭ الدىندا قالىپتاسقان بولۋى مۇمكىن ەكەنىن بايقاعان، بۇل وسىدان بۇرىنعى زەرتتەۋ ناتيجەسىندەگىدەن 40 ميلليون جىل ەرتە. زەرتتەۋ مالىمەتى 10 - ايدىڭ 23 - كۇنى «گەوحيميالىق جورامالدار حابارى» اتتى جۋرنالدا باسىلعان.
زەرتتەۋ مالىمەتىنىڭ نەگىزگى اۆتورى، چيكاگو داشۋەسىنىڭ پروفەسسورى فيليپ حەكتىڭ سول كۇنى جاريالاعان مالىمدەمەسىندە ايتۋىنشا، بۇل كريستال دەنەلەر ايدىڭ قالىپتاسۋىن تۋدىرعان اسپان دەنەلەرى ءوزارا سوعىلىسقان كەزدەن بەرگى بەلگىلى بولعان ەڭ ەجەلگى قاتتى كۇيدەگى زاتتار، ايدىڭ ءداۋىرىن تانۋدا ماڭىزدى مانگە يە.
قازىر ايدىڭ قالىپتاسۋى جونىندە جاپپاي مويىندالعان جورامال بويىنشا، مارستىڭ ۇلكەندىگىندەي اسپان دەنەسى 4 ميلليارد جىلدىڭ الدىندا جەر شارىنا سوعىلعان، سوعىلۋ بارىسىندا شاشىراعان بالقىمالار عارىشتا جەر شارىن اينالىپ ارەكەتتەنىپ، ەڭ سوڭىندا ايدى قالىپتاستىرعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
