شىنجوۋ 17 - ءنومىرلى عارىشكەرلى الەم كەمەسىن ۇشىرۋ تولىق تابىستى بولدى
3 عارىشكەر جۇڭگو كەڭىستىك بەكەتىنە ءساتتى كىردى
2023.10.27 16:27 كەلۋ قاينارى : حالىق تورابى
«حالىق گازەتى»، 10 - ايدىڭ 26 – كۇنى، جيۋچۋان (تىلشىلەر ليۋ شى - ياۋ، گۋ يەكاي). جۇڭگو عارىشقا ادام الىپ ۇشۋ ينجەنەرياسى كەڭسەسىنىڭ حابارىنا قاراعاندا، بەيجيڭ ۋاقىتى 10 - ايدىڭ 26 - كۇنى ساعات 11 دەن 14 مينۋت وتكەندە شىنجوۋ 17 – ءنومىرلى عارىشكەرلى الەم كەمەسىن تيەگەن ۇزاق جورىق 2 – ءنومىرلى F شالعايدان بايقاۋ 17 - تاسىمال راكەتاسى جيۋچۋان جاساندى سەرىك ۇشىرۋ ورتالىعىندا وتالدىرىپ ۇشىرىلعان، شامامەن 10 مينۋتتان كەيىن شىنجوۋ 17 - ءنومىرلى عارىشكەرلى الەم كەمەسى راكەتادان ءساتتى ءبولىنىپ شىققان، بەلگىلەنگەن وربيتاعا كىرگەندە، عارىشكەرلەر گرۋپپاسىنىڭ جاعدايى جاقسى بولىپ، ۇشىرۋ تولىق ءساتتى بولعان.
بۇل رەتكى مىندەت − ەلىمىزدىڭ عارىشقا ادام الىپ ۇشۋ ينجەنەرياسىنىڭ كەڭىستىك بەكەتىن پايدالانۋ جانە دامىتۋ كەزەڭىنە وتۋدەگى ەكىنشى رەتكى عارىشقا ادام الىپ ۇشۋ مىندەتى، ينجەنەريا جوسپارعا الىنىپ اتقارىلعاننان بەرگى 30 - رەتكى ۇشىرۋ مىندەتى، سونداي - اق ۇزاق جورىق جەلىلەس تاسىمال راكەتاسىنىڭ 493 - رەتكى ۇشىرىلۋى.
شىنجوۋ 17 - ءنومىرلى عارىشكەرلى الەم كەمەسى وربيتاعا كىرگەننەن كەيىن، بەيجيڭ ۋاقىتى 10 - ايدىڭ 26 - كۇنى ساعات 17 دەن 46 مينۋت وتكەندە، كەڭىستىك بەكەتى مەن وزەكتى بولمەنىڭ الدىڭعى باعىتتاعى اۋزىندا ءساتتى ءتۇيىلىستى، تۇتاس ءتۇيىلىسۋ بارىسى شامامەن 6.5 ساعات جالعاستى.
عارىشكەرلى الەم كەمەسى مەن كەڭىستىك بەكەتىنىڭ قۇراماسى دەربەس، تەز ءتۇيىلىسۋدى ءساتتى جۇزەگە اسىرعاننان كەيىن، شىنجوۋ 17 - ءنومىرلى الەم كەمەسىندەگى عارىشكەرلەر الەم كەمەسىنىڭ قايتىمدى بولمەسىنەن وربيتا بولمەسىنە كىردى.
بەيجيڭ ۋاقىتى 10 - ايدىڭ 26 - كۇنى ساعات 19 دان 34 مينۋت وتكەندە، شىنجوۋ 16 - ءنومىرلى الەم كەمەسىندەگى عارىشكەرلەر توبى ”ءۇي ەسگىن“ ءساتتى اشىپ، الىستان كەلگەن شىنجوۋ 17 - ءنومىرلى الەم كەمەسىندەگى عارىشكەرلەر توبىنىڭ ”تيانگۇڭ سارايىنا“ كىرۋىن قارسى الدى. وسىدان كەيىن شىنجوۋ 16 - ءنومىرلى الەم كەمەسىنىڭ عارىشكەرلەرى جيڭ حايپىڭ، جۋ ياڭجۋ، گۇي حايچاۋ جانە شىنجوۋ 17 - ءنومىرلى الەم كەمەسىنىڭ عارىشكەرلەرى تاڭ حۇڭبو، تاڭ شىڭجيە، جياڭ شينلين ”ءبىر ءۇيلى جاننىڭ ەستەلىك سۋرەتىن“ ءتۇسىرىپ، بۇكىل ەل حالقىنا اماندىقتارىن جەتكىزدى.
وسىدان كەيىن ەكى عارىشكەرلەر توبى كەڭىستىك بەكەتىندە وربيتادا اۋىسادى. وسى ارالىقتا 6 عارىشكەر كەڭىستىك بەكەتىندە 4 كۇن قىزمەت ىستەپ، تۇرمىس كەشىرىپ، بەلگىلەنگەن قىزمەتتەردى ورىندايدى.
كەڭىستىك بەكەتىندە قىزمەت ىستەپ، تۇرمىس كەشىرگەن كەزدە، شىنجوۋ 17 - ءنومىرلى الەم كەمەسىندەگى عارىشكەرلەر كابينادان كوپ رەت شىعۋ قيمىلىن جۇرگىزىپ، ميكرو اۋىرلىق كۇش نەگىزدىك فيزيكاسى، كەڭىستىك ماتەريال عىلىمى، كەڭىستىك تىرشىلىك عىلىمى، عارىش مەديتسيناسى، عارىش تەحنيكاسى سياقتى سالالارعا ساياتىن قىرۋار كەڭىستىك عىلىمىنا تاجىريبە (سىناق) ورىستەتىپ، كابينانىڭ ءىشى - سىرتىنداعى جابدىقتاردى ورناتۋ، رەتتەۋ، قورعاۋ، جوندەۋ سياقتى ءتۇرلى مىندەتتەردى ورىندايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
