زاڭ بويىنشا تەكسەرىپ ءبىر جاقتى ەتتى! زاڭسىز، شەتەلمەن قاتىستى اۋا رايى پۋنكتتەرىنەن نەشە ءجۇز پۋنكت شەتەلگە ساندى مالىمەت جولداپ وتىرعان
2023.10.31 14:57 كەلۋ قاينارى : حالىق تورابى
جۋىرداعى جىلداردان بەرى، مەملەكەتتىك حاۋىپسىزدىك ورگاندارى اۋا رايى، قۇپيالىقتى ساقتاۋ قاتارلى جاقتارداعى تاراۋلارمەن بىرگە، ەلىمىز كولەمىندە شەتەلمەن قاتىستى اۋا رايى پۋنكتتەرىنە زاڭ بويىنشا جونگە سالۋ ورىستەتتى، شەكارا سىرتىنداعى اۋا رايى اسپاپتارىن ۋاكىلدىك ساۋدالايتىن 10 نەشە ساۋدا سەرىكتەستىگىنە، شەتەلمەن قاتىستى 3000 نان استام اۋا رايى پۋنكتىنە تەكسەرۋ جۇرگىزىپ، زاڭسىز، شەتەلمەن قاتىستى اۋا رايى پۋنكتتەرىنەن نەشە ءجۇز پۋنكت شەكارا سىرتىنا اۋا رايى ساندى مالىمەتتەرىن ۇزدىكسىز جولداپ وتىرعان، بۇل بۇكىل ەلىمىزدەگى 20 نەشە ولكەگە كەڭ كولەمدى تارالعان، ەلىمىزدىڭ مەملەكەت حاۋىپسىزدىگىنە كومەسكى قاتەر توندىرگەن.
بۇل زاڭسىز، شەتەلمەن قاتىستى اۋا رايى پۋنكتتەرىنىڭ كەيبىرەۋىنىڭ بارلاۋ نىسانىن شەتەل ۇكىمەتى تىكەلەي قارجىلاندىرعان، كەيبىرەۋىنىڭ بارلاۋ ورنى اسكەري ورىندار، اسكەري ونەركاسىپ كاسىپورىندارى قاتارلى ماڭىزدى ورىنداردىڭ ماڭىنا ورنالاستىرىلىپ، تەڭىز دەڭگەيىنەن بيىكتىگىن ولشەۋ جانە GPS پەن ورنىن بەلگىلەۋ جۇرگىزىلگەن؛ كەيبىرەۋى ەلىمىزدىڭ باستى استىق وندىرەتىن وڭىرىنە ورنالاستىرىلىپ، ەلىمىزدىڭ اۋىل شارۋاشىلىعى داقىلدارىنىڭ ءوسىپ - ءونۋى مەن استىق ءوندىرىسىنىڭ مولشەرىن ساراپتاۋعا قولدانىلعان؛ كەيبىرەۋى ءتىپتى ۇزاق ۋاقىتتان بەرى، جوعارى جيىلىكتە، كوپ ورىندا شەتەلدەگى اۋا رايى قۇرىلىمدارىنا ۇزدىكسىز مالىمەت جولداپ، شەتەلدەگىلەردىڭ مەملەكەت تەرريتورياسى مەن اۋا رايىن باقىلاۋىنا قىزمەت وتەگەن. قاتىستى اسپاپتار كولەمى شاعىن، ورناتۋعا قولايلى، بايقاۋ قيىن بولىپ، اۆتوماتتى تۇردە ۇزدىكسىز مالىمەت توپتاي الادى ءارى ونى ينتەرنەت ارقىلى جولداي الادى.
شەتەلمەن قاتىستى اۋا رايىن بارلاۋ ارەكەتتەرىمەن شۇعىلدانۋشىلار ەلىمىزدىڭ اۋا رايى ىستەرىن باسقارۋ قۇرىلىمدارىنا شەتەلمەن قاتىستى اۋا رايىن بارلاۋ ىسىنە اكىمشىلىك جاقتان رۇقسات بەرۋگە ءوتىنىش بەرمەگەن، ەلىمىزدىڭ اۋا رايى ىستەرىن باسقارۋ قۇرىلىمدارىنا اۋا رايىنا قاتىستى ماتەريالداردى جيناپ تاپسىرماعان، شەتەلدەرگە جولداعان اۋا رايى ساندى مالىمەتىن ەلىمىزدىڭ اۋا رايى ىستەرىن باسقارۋ تاراۋلارىنىڭ بەكىتۋىنەن وتكىزبەگەن، «شەتەلمەن قاتىستى اۋا رايىن بارلاۋ جانە ماتەريالداردى باسقارۋ ءادىسى»، «ساندى مالىمەت حاۋىپسىزدىگى زاڭى» قاتارلى قاتىستى بەلگىلەمەلەرگە قايشى كەلگەن. مەملەكەتتىك حاۋىپسىزدىك ورگاندارى اۋا رايى، قۇپيالىقتى ساقتاۋ تاراۋلارىمەن بىرگە قاتىستى زاڭسىز ارەكەتتەردى زاڭ بويىنشا تەكسەرىپ انىقتاپ، اۋا رايى ساندى مالىمەتىن شەكارادان شىعارۋ سىندى زاڭعا قايشى ارەكەتتى دەر كەزىندە توقتاتتى. (باس ستانسيا ورتالىق تەلەۆيزيا ءتىلشىسى سۇڭ جين)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
