جولاۋشى تاسيتىن شوفەرسىز ۇشۋ اسپابىن وندىرۋگە دۇنيە ءجۇزى بويىنشا تۇڭعىش رەت رۇقسات كۋالىگى بەرىلدى
2024.04.08 15:04 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى لۋ حاۋ، ما شياۋچىڭ 4 – ايدىڭ 7 – كۇنى گۋاڭجوۋدان حابارلايدى. جۇڭگو حالىقتىق اۆياتسيا مەڭگەرمەسى ورتا – وڭتۇستىك وڭىردەگى باسقارۋ مەكەمەسى 4 – ايدىڭ 7 – كۇنى باس شتابى گۋاڭجوۋعا ورنالاسقان يحاڭ زەردەلى اسپاپتار شەكتى جارنا سەرىكتەستىگىنە شوفەرسىز ۇشۋ اسپابىن وندىرۋگە ارنالعان دۇنيە جۇزىندەگى تۇڭعىش رەتكى رۇقسات كۋالىگىن تاراتتى، بۇل اتالعان سەرىكتەستىكتىڭ قاراماعىنداعى EH216-S ءونىمىن كوپ مولشەردە ءوندىرۋ تولىمدىلىعىنا يە بولىپ، كەلەسى قادامدا ساۋدالاندىرىپ جۇمىس ىستەۋگە ماڭىزدى كەپىلدىك ازىرلەگەنىن كورسەتەدى.
حالىقتىق اۆياتسيا مەڭگەرمەسى ورتا – وڭتۇستىك مەكەمەسى ۇشۋعا تولىمدىلىقتى تەكسەرىپ بەكىتۋ باسقارماسىنىڭ قاتىستى جاۋاپتىسىنىڭ ايتۋىنشا، كەلەسى قادامدا يحاڭ سەرىكتەستىگى كۋالىكتى العاننان كەيىنگى باسقارۋ جانە كوركەيتۋ جۇمىسىن ۇزدىكسىز ويداعىداي ىستەيدى، مۇندا EH216-S ءونىمىن زەرتتەۋ مەن جوبالاۋعا قاتىناسقان ۇجىم حاۋىپسىزدىك جاعىندا وزگەرىس - ەنگىزۋ جاقسارتۋ قىزمەتىن ۇزدىكسىز ويداعىداي ىستەپ، ءوندىرىستىڭ ساپالىق جۇيەسىنىڭ قۇرىلىسى مەن ونى ۇزدىكسىز كەمەلدەندىرۋگە، سونداي – اق، ساتقاننان كەيىن قىزمەت وتەۋگە كەپىلدىك ەتۋى دە قامتىلادى.
يحاڭ زەردەلى اسپاپتار سەرىكتەستىگى قالا كوگىندەگى قاتىناسقا قاتىستى عىلىم – تەحنيكالىق كاسىپورىن، قالا كوگىندەگى قاتىناس (جولاۋشى جانە جۇك تاسىمالداۋدى قامتيدى)، پاراساتتى قالانى باسقارۋ جانە كوكتەگى اقپارات قۇرالى قاتارلى قولدانىلمالى سالالاردى قامتيدى. EH216-S اسپابىنىڭ جوباداعى ەڭ جوعارى جىلدامدىعى ساعاتىنا 130 كيلومەتر، ەڭ ۇزاق بولعاندا 30 كيلومەترگە ۇشا الادى، ەڭ ۇزاق ۇشۋ ۋاقىتى 25 مينۋت.
جىل باسىنان بەرى، يحاڭ سەرىكتەستىگىنىڭ باس شتابى تۇرعان گۋاڭجوۋ كوركەيتۋ رايونى جوعارى ءونىمدى زات تاسىمالىنا ارنالعان تومەن كەڭىستىكتەگى اۋە جەلىسىنەن 10 جەلىنى جانە قالاداعى مەديتسينالىق سەرىكتەستىكتىڭ تومەن كەڭىستىك ارقىلى زات جەتكىزۋ جەلىسىنەن ءبىر جەلىنى ىسكە قوسىپ، تومەن كەڭىستىكتىك ەكونوميكالىق كاسىپ سالاسى باقشاسىن جەدەل جوسپارلاپ جانە كوركەيتىپ، تومەن كەڭىستىكتىك ەكونوميكانى دامىتۋعا قوزعاۋشى كۇش قوستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
