ديقانداردىڭ كىرىسىن ارتتىرۋدى ىلگەرىلەتۋ ارەكەتى قالاي اتقارىلادى؟ (ساياسات جونىندە سۇراۋ – جاۋاپ . اۋىل – قىستاقتى جاپپاي گۇلدەندىرۋدى ىلگەرىلەتۋ)
حالىق گازەتىنىڭ ءتىلشىسى گۋ جۇڭياڭ
2024.04.17 14:06 كەلۋ قاينارى : حالىق تورابى
ديقانداردىڭ كىرىسىن ۇزدىكسىز ارتتىرۋدى قالاي ىلگەرىلەتۋگە بولادى؟ ورتالىقتىڭ بيىلعى 1 – ءنومىرلى قۇجاتىندا ديقانداردىڭ كىرىسىن ارتتىرۋ جاعىنداعى شارالاردى كۇشەيتۋ كورنەكتى ورىنعا قويىلعان، ديقانداردىڭ كىرىسىن ارتتىرۋدى ىلگەرىلەتۋ قيمىلىن اتقارۋ ايقىن ورتاعا قويىلعان.
اۋىل شارۋاشىلىعى جانە اۋىل – قىستاق مينيسترلىگى ساياسات جانە رەفورما مەڭگەرمەسىنىڭ 1 – دارەجەلى شارلاۋشىسى جاۋ چاڭباۋدىڭ تانىستىرۋىنشا، اۋىل شارۋاشىلىعى جانە اۋىل – قىستاق مينيسترلىگى پارتيا ورتالىق كوميتەتى مەن مەملەكەتتىك كەڭەستىڭ اۋىل شارۋاشىلىعى، اۋىل – قىستاق جانە ديقاندار قىزمەتى جونىندەگى شەشىمدەرى مەن ورنالاستىرۋلارىن دايەكتى تياناقتاندىرىپ، تاراۋدىڭ قىزمەتتىك يقۋاتىن تياناق ەتىپ، باستىسى 4 ءتۇرلى جاقتان شارۋالاردىڭ كىرىسىن ارتتىرىپ، ولاردى بايىتۋ ارناسىن كەڭەيتەدى.
اۋىل – قىستاقتاعى كاسىپ سالاسىنىڭ سالىستىرمالى ونىمدىلىگىن جوعارىلاتادى. اۋىل شارۋاشىلىعىنا قولداۋ كورسەتۋ، قورعاۋ جاعىنداعى تۇزىمدەردى كەمەلدەندىرۋدى ىلگەرىلەتىپ، استىق ەگەتىن ديقانداردىڭ تابىس تابۋىنا كەپىلدىك ەتۋ مەحانيزمىن كەمەلدەندىرىپ، ديقانداردىڭ استىق ەگۋدەن اقشا تابۋىنا، كوبىرەك پايداعا كەنەلۋىنە كەپىلدىك ەتەدى. اۋىل - قىستاقتاعى ءبىرىنشى، ەكىنشى، ءۇشىنشى كاسىپ سالاسىنىڭ توعىسا دامۋىن ىلگەرىلەتىپ، ديقانداردى بىرلەستىرۋ، ديقانداردى جەتەلەۋ، ديقانداردى پايداعا كەنەلتۋ مەحانيزمىن كەمەلدەندىرەدى، كاسىپ سالاسىنداعى اناعۇرلىم كوپ ارتقان قۇن پايداسىن اۋىل – قىستاققا، ديقاندارعا قالدىرادى.
اۋىل – قىستاقتاعى ەڭبەككۇشتەردىڭ جوعارى ساپالى جۇمىستانۋىن ىلگەرىلەتەدى. جۇمىستانۋشىلاردى قابىلداۋ قۋاتى زور، حالىقتى اۋقاتتاندىراتىن اۋدان دەڭگەيىندەگى كاسىپ سالاسىن دامىتۋدى ىلگەرىلەتىپ، ديقاندارعا جاقىن جەردە قىزمەت ىستەيتىن اناعۇرلىم كوپ وراي ازىرلەيدى. جوعارى ساپالى ديقانداردى جەتىلدىرۋ جوسپارىن ۇزدىكسىز اتقارىپ، اۋىل شارۋاشىلىعى سالاسىندا شارۋاشىلىق قۇرۋعا قولداۋ كورسەتىپ، ديقانداردىڭ ءوزىن – ءوزى دامىتۋ قابىلەتىن جوعارىلاتادى.
اۋىل – قىستاقتاعى وسىزامانعى مۇلىك ۇقىعى ءتۇزىمىن كەمەلدەندىرەدى. مۇلىك ۇقىعىن تۇراقتاندىرۋدى تىڭعىلىقتى، ويداعىداي ىستەپ، ۇقىق بەرۋدى ورنىقتى ىلگەرىلەتىپ، اينالىمعا سالۋ ۇقىعىن تارتىپپەن ىسكە اسىرىپ، اۋىل – قىستاقتاعى جەر ءتۇزىمى مەن كوللەكتيۆ مۇلىك ۇقىعى تۇزىمىنە ىشكەرىلەي رەفورما جاساپ، اۋىل – قىستاقتاعى جاڭا تيپتى كوللەكتيۆ ەكونوميكانى دامىتىپ، اۋىل – قىستاقتاعى مۇلىك ۇقىعىن اينالىمعا سالۋ مەن ساۋدالاۋدى جۇيەگە ءتۇسىرۋ قۇرىلىسىن ىلگەرىلەتىپ، ديقاندارعا اناعۇرلىم تولىق مال – مۇلىك ۇقىعىن سيلايدى.
اۋىل – قىستاقتاعى كىرىسى تومەن جان سانىنا ۇدايى كومەكتەسۋدى كۇشەيتەدى. قايتا كەدەيلەسۋدەن ساقتانۋعا قاتىستى ۇزدىكسىز تەكسەرۋ جانە سۇيەمەلدەۋ مەحانيزمىن ويداعىداي ىسكە قوسىپ، دەر كەزىندە تەكسەرۋدى، دالمە – ءدال كومەكتەسۋدى ويداعىداي ورىندايدى. سۇيەمەلدەيتىن كاسىپ سالاسىن دامىتۋدى تۇرگە ءبولىپ ىلگەرىلەتىپ، قايتا كەدەيلەسۋدەن ساقتانۋدان جۇمىستاندىرۋ ارقىلى قامال الۋ ارەكەتىن ىشكەرىلەي اتقارىپ، كەدەيلىكتەن ارىلعان ەڭبەككۇشتەردىڭ كىرىسىن ۇزدىكسىز ورنىقتى ارتتىرۋعا دەم بەرەدى. الەۋمەتتىك يگىلىك سيپاتىنداعى ءتۇرلى قىزمەت ورىندارىن، سۇيەمەلدەۋگە ارنالعان سەحتاردى ويداعىداي پايدالانىپ، قۇرىلىس ارقىلى كومەكتەسۋ ساياساتىن تياناقتاندىرۋدى ىلگەرىلەتىپ، كولەمدى قايتا كەدەيلەسۋدىڭ تۋىلماۋى سىندى سوڭعى ولشەمدى بەرىك قورعايدى. قاتىستى تاراۋلارمەن بىرگە اۋىل – قىستاقتاعى كىرىسى تومەن جان سانى مەن دامۋى كەنجە قالعان وڭىرلەردى يكەمدى سۇيەمەلدەۋ مەحانيزمىن زەرتتەپ جوسپارلاپ، وزىندىك دامۋ قوزعاۋشى كۇشىن ارتتىرادى.
جاۋ چاڭباۋ: ”ديقانداردىڭ كىرىسىن ارتتىرۋ — اۋىل شارۋاشىلىعى، اۋىل – قىستاق جانە ديقاندار قىزمەتىندەگى وزەكتى مىندەت، ءتۇرلى شارالاردى قاتار قولدانىپ، سايكەستى ىلگەرىلەتۋ كەرەك. كاسىپ سالاسى ارقىلى العا سۇيرەۋ، جۇمىستاندىرۋ ارقىلى جەبەۋ، رەفورما ارقىلى ىلگەرىلەتۋ بارىسىندا ديقانداردىڭ كىرىسىن ارتتىرىپ، اۋقاتتاندىرۋ ارناسىن ۇزدىكسىز كەڭەيتىپ، بارشا ديقانداردى رەفورمالاپ دامۋدىڭ جەتىستىكتەرىنەن بىرگە يگىلىكتەندىرۋگە شارت – جاعداي جاراتۋ كەرەك“، _ دەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
