حالىقارالىق ۆاليۋتا قورى ۇيىمى (IMF) دۇنيە ءجۇزى ەكونوميكاسىنىڭ بيىلعى ارتۋ مولشەرى جونىندەگى مەجەنى جوعارىلاتتى
2024.04.17 14:10 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى شيۇڭ ماۋليڭ، شۇي يۋان 4 – ايدىڭ 16 – كۇنى ۋاشينگتوننان حابارلايدى. حالىقارالىق ۆاليۋتا قورى ۇيىمى (IMF) 4 – ايدىڭ 16 – كۇنى جاريالاعان «دۇنيە ءجۇزى ەكونوميكاسىنا نازار مالىمەتىنىڭ» ەڭ جاڭا سانىندا دۇنيە ءجۇزى ەكونوميكاسىنىڭ 2024 – جىلعى ارتۋ مولشەرى جونىندەگى مەجەنى %3.2 كە جوعارىلاتقان، بۇل 1 – ايداعى مەجەدەن 0.1 پايىز جوعارى بولعان.
ناقتىلاپ ايتقاندا، دامىعان ەكونوميكالىق تۇلعالاردىڭ 2024 – جىلعى ەكونوميكاسىنىڭ ارتۋ مولشەرى جونىندەگى مەجە ءمانى %1.7 بولعان بولىپ، 1 – ايداعى مەجە مانىنەن 0.2 پايىز جوعارىلاتىلعان. جاڭا گۇلدەنگەن بازارلار مەن دامۋ ۇستىندەگى ەكونوميكالىق تۇلعالاردىڭ ەكونوميكاسىنىڭ 2024 – ىلعى ارتۋ مولشەرى جونىندەگى مەجە ءمانى %4.2 بولىپ، 1 – ايداعى مەجە مانىنەن 0.1 پايىز جوعارىلاتىلعان.
مالىمەتتە مىنالار اتاپ كورسەتىلگەن: دۇنيە ءجۇزى كولەمىندە اقشانىڭ قۇنسىزدانۋى 2022 – جىلدىڭ ورتا شەنىندەگى جوعارعى شەگىنەن قايتا تومەندەدى، ەكونوميكالىق قيمىل ورنىقتى ارتتى، وسىنىڭ الدىنداعى اقشانىڭ كوپ تاراتىلۋى سالدارىنان ەكونوميكانىڭ تۇرالاۋى جانە دۇنيە جۇزىلىك قۇلدىراۋ تۋىنداتقان الاڭداۋشىلىق رەالدىققا اينالعان جوق. دۇنيە جۇزىندە اقشانىڭ قۇنسىزدانۋ مولشەرى جالپى تۇلعالىق جاقتان 2024 – جىلى مەجەمەن 2023 – جىلداعى %6.8 تەن %5.9 كە تومەندەيدى، 2025 – جىلى ونان ارى تومەندەپ، %4.5 كە تۇسەدى.
IMF مىنانى اتاپ كورسەتتى: تاريحتاعى ولشەم بويىنشا شامالاساق، دۇنيە ءجۇزى ەكونوميكاسىنىڭ ارتۋى ءالى دە دارمەنسىز، بۇل، ءبىر جاعىنان، ءالى دە جوعارى دەڭگەيدە تۇرعان نەسيە الۋدىڭ وزىندىك قۇنى، قازىنالىق قولداۋدىڭ ازايۋى قاتارلى جۋىرداعى فاكتورلاردىڭ سالدارى بولسا، ەندى ءبىر جاعىنان، ىندەت پەن ۋكراينا داعدارىسىنىڭ ۋشىعۋىنان تۋىنداعان ۇزاق ۋاقىتتىق ىقپالعا، سونداي – اق، ءوندىرىس مولشەرىنىڭ ارتۋىنىڭ السىرەۋى جانە گەوەكونوميكانىڭ بولشەكتەنۋىنىڭ اسقىنۋىنا بايلانىستى بولىپ وتىر.
مالىمەتتە بىلاي دەپ قارالعان: قازىر ۋكراينا داعدارىسى، پالەستين – يزرايل قاقتىعىسى قاتارلىلار تۋىنداتقان زات باعاسىنىڭ كۇرت ارتۋىن، سونداي – اق، ەڭبەككۇش بازارىندا ءالى دە قامداۋدىڭ قاجەتسىنۋدى قاناعاتتاندىرا الماۋىن قامتىعان دۇنيە ءجۇزى ەكونوميكاسى قۇلدىراۋ حاۋپىنە ءدوپ كەلىپ وتىرعان جاعدايدا، وزەكتى سالالارداعى اقشانىڭ قۇنسىزدانۋى ءالى دە تومەندەمەدى، بۇل ءوسىمدى جوعارىلاتۋدىڭ ىقتيمالدىعىن جوعارىلاتىپ، مال – مۇلىك باعاسىنىڭ تومەندەۋىن تۋدىردى. باستى ەكونوميكالىق تۇلعالاردا اقشانىڭ قۇنسىزدانۋىنىڭ تومەندەۋ قارقىنىنداعى پارىق اقشا باعامىنداعى تولقۋدى تۋدىرۋى، فينانس تاراۋلارىنىڭ قىسىمىن ارتتىرۋى مۇمكىن. مۇنان سىرت، جوعارى ءوسىم مولشەرىنىڭ ەكونوميكاعا جاسايتىن ىقپالى مەجەدەگىدەن جوعارى بولۋى مۇمكىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
