گۋاڭجوۋدا كۇشتى قارا قۇيىن سوعىپ، 5 ادام قازا بولىپ، 33 ادام جارالاندى
2024.04.28 15:56 كەلۋ قاينارى : حالىق تورابى
شينحۋا اگەنتتىگىنىڭ 4 ـ ايدىڭ 27 ـ كۇنى گۋاڭجوۋدان بەرگەن حابارى. 4 ـ ايدىڭ 27 – كۇنى ساعات 15 اينالاسىندا، گۋاڭجوۋ قالاسىنىڭ باييۇن رايونى جۇڭلوتان قالاشىعىندا سۇراپىل قارا قۇيىن سوعىپ، 5 ادام قازا بولىپ، 33 ادام جارالاندى.
گۋاڭدۇڭ ولكەلىك اۋا رايى مەكەمەسى جاريالاعان حابارعا قاراعاندا، قۇيىننىڭ كۇشەمەلىلىگى 3 بال بولىپ، كۇشتى قارا قۇيىنعا جاتادى ەكەن، جىلجۋ ارالىعى شامامەن ءبىر كيلومەتر بولعان. قارا قۇيىن سوعاتىن جەردەن 2.8 كيلومەتر قاشىقتىقتاعى لياڭتيان قىستاعى اۋا رايى پۋنكتى ەڭ كۇشتى مەزەتتىك وتكىنشى بوراننىڭ سەكۋندىنا 20.6 مەترگە (8 بال) جەتكەندىگىن ەستەلىككە العان.
اپات تۋىلعاننان كەيىن، گۋاڭجوۋ قالاسى مەن باييۇن رايونى دەرەۋ قۇتقارۋ گرۋپپاسى، شۇعىل جوندەۋ گرۋپپاسى، سوڭعى جۇمىستاردى قامتاماسىزداندىرۋ گرۋپپاسى، ءتارتىپتى قورعاۋ گرۋپپاسى سياقتى 6 قىزمەت گرۋپپاسىن قۇرىپ، شۇعىل جاعدايعا توتەپ بەرۋ ۇندەۋىن باستاپ، ەمدەۋ، قوعام حاۋىپسىزدىگى، قاتىناس ساقشىسى، ءورت ءوشىرۋ، تۇرعىن ءۇي قۇرىلىسى سياقتى تاراۋلار مەن قالاشىق، قىستاق قىزمەتكەرلەرىن اتتانىسقا كەلتىرىپ، تەكسەرۋ، ىزدەۋ ـ قۇتقارۋ قىزمەتىن جاپپاي ورىستەتتى.
باييۇن رايونىنداعى قاتىستى تاراۋلاردىڭ حابارلاندىرۋىنا قاراعاندا، 4 – ايدىڭ 27 – كۇنى ساعات 22 گە دەيىن، ناق مايدانداعى ىزدەۋ – قۇتقارۋ قىزمەتى نەگىزىنەن اياقتالعان. وسى رەتكى اپاتتا 5 ادام قازا بولىپ، 33 ادام جارالانعان، جارالانعاندار دەر كەزىندە شيپاحاناعا جەتكىزىلىپ ەمدەلدى. 141 زاۆود ءۇيى بۇلىنگەن، تۇرعىندار ءۇيى بۇلىنبەگەن. كەلەسى قادامدا، باييۇن رايونى اپاتتان قۇتقارۋ، كومەك بەرۋ، ءبىر جاقتى ەتۋ قىزمەتىن بار كۇشپەن جاقسى ىستەپ، اپاتقا ۇشىراعان بۇقارانىڭ ءوندىرىسىن، تۇرمىسىن ۇيلەسىمدى ورنالاستىرادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
