شونجى جانبۇلاق اۋەجايى 7 ـ ايدىڭ 11 ـ كۇنى ۇشاق قاتىناتۋعا كۇش سالۋدا
2024.04.28 16:00 كەلۋ قاينارى : حالىق تورابى
سانجى گازەتى الەۋمەتتىك ۋيچات تەكشەسىنىڭ ەڭ جاڭا حابارىنا نەگىزدەلگەندە، شونجى جانبۇلاق اۋەجايى 7 - ايدىڭ 11 - كۇنى ۇشاق قاتىناتۋعا كۇش سالۋدا.
4 - ايدىڭ 24 - كۇنى سانجى گازەتىنىڭ ءتىلشىسىنىڭ شونجى جانبۇلاق اۋەجايىنان ۇعىسۋىنشا، شونجى جانبۇلاق اۋەجايى كاسىپتىك جوسپار بويىنشا، قاتىناۋ ۋاقىتى 2024 - جىلى 8 - ايدىڭ 8 - كۇنى بولىپ، 7 - ايدىڭ 11 - كۇنى ۇشاق قاتىناتۋعا كۇش سالۋدا. وسىعان نەگىزدەلگەندە، اۋەجاي ٴبىرىنشى توپتا الدىمەن شونجىدان شي - انعا، چىڭدۋعا باراتىن اۋە لەنياسىن اشۋدى، ارتىنان شونجىدان فۋجوۋ، گۋاڭجوۋ، شاڭحاي قاتارلى جەرلەرگە باراتىن اۋە لەنياسىن اشۋدى جوسپارلاعان.
شونجى جانبۇلاق اۋەجايى شونجى اۋدانى شيبەيۋان قالاشىعىنىڭ شەكاراسى ىشىنە ورنالاسقان، شونجى اۋدان قالاشىعىنان 15.7 كيلومەتر قاشىقتىقتا، سانجى حۇيزۋ اۆتونوميالى وبلىسىنداعى تۇڭعىش حالىقتىق تاسىمال اۋەجايى. اۋەجاي 2022 ـ جىلى 3 ـ ايدا قۇرىلىس باستاپ، 2023 ـ جىلدىڭ سوڭىندا سالىنىپ بولىپ، تەكسەرىپ وتكىزىپ الۋدان ءساتتى وتكەن، بيىل 1 ـ ايدا ناق مايداندا سىناق رەتىندە ۇشۋ مىندەتىن ورىنداعان.
حابارعا قاراعاندا، شونجى جانبۇلاق اۋەجايىندا ۇزىندىعى 2800 مەتر، كەڭدىگى 45 مەتر كەلەتىن سىرعىما جول، 5035.91 شارشى مەترلىك اۋەجاي عيماراتى سالىنعان، ۇشاققا شىعاتىن 2 ءدالىز كوپىرى ورنالاستىرىلعان، ول شينجياڭداعى جولاۋشى قابىلداۋ ـ جونەلتۋ مولشەرى 500 مىڭ ادامنان تومەنگى تۇڭعىش تارماق جەلى اۋەجايى.
شونجى جانبۇلاق اۋەجايىندا ۇشاق قاتىناعاننان كەيىن، جولاۋشى قابىلداۋ ـ جونەلتۋ جىلدىق مولشەرى 470 مىڭ ادام ـ رەت، جۇك ـ پوچتا قابىلداۋ ـ جونەلتۋ جىلدىق مولشەرى 1000 توننا بولۋ نىساناسىن قاناعاتتاندىرىپ، توڭىرەكتەگى قالا تۇرعىندارىنىڭ ءجۇرىس ـ تۇرىسىنا قولايلى قىزمەت كورسەتۋمەن بىرگە، وڭىرلىك قاتىناس اۋە تورىن اناعۇرلىم كەمەلدەندىرىپ، جەرگىلىكتى ورىننىڭ ساياحات كاسىبىنىڭ دامۋىنا جاڭا وراي اكەلەدى.
قازىر شينجياڭدا حالىقتىق تاسىمال اۋەجايلارىنان جالپى 25ى بار. شونجى جانبۇلاق اۋەجايى، حىجيڭ بايىنبۇلاق اۋەجايى ىركەس ـ تىركەس سالىنىپ، ۇشاق قاتىناعاننان كەيىن، شينجياڭ اۋەجايىنىڭ سانى 27 گە جەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
