2 تاراۋ 2024 – جىلعى ورتا، باستاۋىش مەكتەپ، بالالار باقشاسى وقىتۋشىلارىن اشىق قابىلداۋ قىزمەتىن ويداعىداي ىستەۋ جونىندە ورنالاستىرۋ جاسادى
2024.04.29 14:28 كەلۋ قاينارى : حالىق تورابى
جۇڭگو اقپارات تورابىنىڭ 4 – ايدىڭ 28 – كۇنى بەرگەن حابارى. وقۋ – اعارتۋ مينيسترلىگى تورابىنىڭ حابارىنا قاراعاندا، ادام كۇشى بايلىعى جانە قوعامدىق قامتاماسىزداندىرۋ مينيسترلىگى كەڭسەسى، وقۋ – اعارتۋ مينيسترلىگى كەڭسەسى تاياۋدا «2024 – جىلعى ورتا، باستاۋىش مەكتەپ، بالالار باقشاسى وقىتۋشىلارىن اشىق قابىلداۋ قىزمەتىن جاقسى ىستەۋ جونىندەگى ۇقتىرۋدى» باسىپ تاراتىپ، وقىتۋشىلاردى قىزمەتكە قابىلداۋ قىزمەتىن ويداعىداي ىستەۋ جونىندە، جوعارى مەكتەپ بىتىرگەن وقۋشىلاردىڭ جۇمىستانۋىن جەبەۋ جونىندە ورنالاستىرۋ جاساعان.
«ۇقتىرۋدا» مىنالار ورتاعا قويىلدى: جوعارى مەكتەپ بىتىرگەن وقۋشىلاردى كاسىپتەندىرۋ مەن وقىتۋشىلاردى قابىلداۋدى ءبىرتۇتاس جوسپارلاپ، ءىسورىنداردىڭ جوعارى مەكتەپ بىتىرگەن وقۋشىلاردى كاسىپتەندىرۋدەگى ماڭىزدى رولىن تولىق ساۋلەلەندىرىپ، ءتىپتى دە كوپ جوعارى مەكتەپ بىتىرگەن وقۋشىلاردى نەگىزگى ساتىعا، اسىرەسە، جاپالى، شەت – شالعاي وڭىرلەردەگى ورتا، باستاۋىش مەكتەپتەرگە، بالالار باقشالارىنا بارىپ وقىتۋشى بولۋعا شابىتتاندىرۋ جانە جەتەكتەۋ كەرەك. جەر - جەر ولكە دارەجەلى نەمەسە قالا دارەجەلى دەڭگەيدە قىزمەتكەر قابىلداۋ قىزمەتىن ءبىرتۇتاس ۇيىمداستىرىپ، وقۋ ساتىسىنداعى عىلىمي اتاق قاجەتى، مەكتەپ جوباسىن ورنالاستىرۋ، رەتتەۋ، قالا مەن اۋىلدىڭ وڭىرلىك پارقى، وقۋ جاسىنداعى حالىق سانى وزگەرىسى سياقتى جاعدايلارمەن ۇشتاستىرىپ، قىزمەتكەر قابىلدايتىن قىزمەت ورنىن عىلىمي ورنالاستىرىپ، مورالمەن جانە زاڭمەن باسقارۋ، دەنە تاربيە جانە دەنساۋلىق، عىلىم، ينفورماتسيا جانە عىلىم - تەحنيكا، كوركەمونەر، ەڭبەك، پسيحيكالىق اقاۋسىزدىق، ەرەكشە وقۋ - اعارتۋ سياقتى تاپشى پاندەر وقىتۋشىلارىنىڭ قاجەتىن ءتۇيىندى تۇردە قامتاماسىزداندىرۋ كەرەك. كاسىپتىك وقۋ - اعارتۋ وقىتۋشىلارىن ورنالاستىرۋدى كۇشەيتىپ، ورتا دارەجەلى كاسىپتىك مەكتەپتەردىڭ وقىتۋشى قابىلداۋ قىزمەتىندە كاسىپتىك ونەر دارەجە تالابى بار قىزمەت ورىندارىنىڭ وقۋ تاريحى تالابىن لايىقتى تومەندەتۋىنە نەمەسە قويماۋىنا بولادى. شارتقا ۇيلەسەتىن، قوسىننان شەگىنگەن اسكەريلەردى ورتا، باستاۋىش مەكتەپتەرگە بارىپ وقىتۋشى بولۋعا شابىتتاندىرىپ، مىندەت وتەۋ جىل شەگى سياقتى فاكتورلاردى جان - جاقتى ويلاستىرىپ، قوسىننان شەگىنگەن اسكەريلەردىڭ جاس شەكتەمەسىن سايكەستى كەڭەيتۋ كەرەك.
«ۇقتىرۋدا» مىنالار تالاپ ەتىلدى: جەر – جەر قىزمەتكەر قابىلداۋ ءتارتىبىن ارناعا ءتۇسىرىپ، ءادىل باسەكەلى كاسىپتەنۋ ورتاسىن جاراتۋى كەرەك. قوعامنان قىزمەتكەر قابىلداۋ ينفورماتسياسىن اشىق جاريالاعاندا، كەمسىتۋ سيپاتتى، باعىتتامالىق سيپات العان جانە ۇيلەسىمسىز شەكتەۋ شارتتارىن بەلگىلەۋگە بولمايدى. تولىمدىلىعىن تەكسەرۋ قىزمەتىن ارناعا ءتۇسىرىپ، قاتىستى ساياساتتىق بەلگىلەمەلەر مەن قابىلداۋ حابارلاندىرۋىندا ايقىن تولىمدىلىق شارتى بويىنشا قاتاڭ تەكسەرۋ جۇرگىزۋ كەرەك، ”قىسقاشا تاريحىن سارالاۋعا“ بولمايدى. وقىتۋشىلىق ءمورال، ۇستازدىق ستيل ءبىرىنشى ولشەمىن قاتاڭ تياناقتاندىرىپ، قىزمەتكە كىرۋدەن بۇرىن قىزمەتكە كىرۋ رۇقساتىن تەكسەرۋ قىزمەتىن قاجەتتى بۋىن ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
