بيرمانىڭ سولتۇستىگىندەگى ەلىمىزگە ساياتىن تەلەكوم مەن ينتەرنەتتەن پايدالانىپ الدامكوستىك ىستەۋ قىلمىسىنا سوققى بەرۋدە كەلەلى ناتيجەلەرگە قول جەتكىزىلدى
2023.09.06 18:18 كەلۋ قاينارى : حالىق تورابى
حالىق گازەتىنىڭ ءتىلشىسى جاڭ تيانپەي 9 - ايدىڭ 5 - كۇنى بەيجيڭنەن حابارلايدى. ءتىلشىنىڭ 9 - ايدىڭ 5 - كۇنى قوعام حاۋىپسىزدىگى مينيسترلىگىنەن ۇعىسۋىنشا، 9 - ايدىڭ 3 - كۇنى قوعام حاۋىپسىزدىگى مينيسترلىگى مەن يۇننان ولكەلىك قوعام حاۋىپسىزدىگى مەڭگەرمەسىنىڭ ۇيىمداستىرۋىندا، ورنالاستىرۋىندا، شيشۋاڭباننا قوعام حاۋىپسىزدىگى ورگاندارى شەكارالىق ساقشى ىستەرىنە قاتىستى زاڭ اتقارۋ سەلبەستىك مەحانيزمىنە سۇيەنە وتىرىپ، بيرماداعى قاتىستى جەرلەردەگى زاڭ اتقارۋ تاراۋلارىمەن بىرگە سوققى بەرۋ ارەكەتىن ورىستەتىپ، بيرمانىڭ سولتۇستىگىنە تابان تىرەگەن تەلەكوم مەن ينتەرنەتتەن پايدالانىپ الدامكوستىك جۇرگىزەتىن توپتان 11 توپقا ءبىر جولدا سوققى بەرىپ، تەلەكوم مەن ينتەرنەتتەن پايدالانىپ الدامكوستىك ىستەگەن قىلمىس كۇماندىلارىنان 269 ادامدى تۇتقىنداعان.
وسى رەت قولعا تۇسكەن تەلەكوم جانە ينتەرنەت ارقىلى الدامكوستىك ىستەگەن قىلمىس كۇماندىلارىنىڭ ىشىندە 186 ادام جۇڭگولىق، 66 ادام بيرمالىق، 15 ادام ۆيەتنامدىق، 2 ادام مالايزيالىق، ولاردىڭ ىشىندە پەردە ارتىنداعى ”قوجايىندارىنان“، ۇيىمداستىرۋشى اتاماندارىنان مەن تىرەكتىلەرىنەن 21 ادام، ينتەرنەتتەن پايدالانىپ زاڭ تۇزاعىنان قاشىپ جۇرگەن 13 ادام بار، ادام ءولىمىن تۋدىرىپ جاسىرىن قاشىپ جۇرگەنىنەن 19 بولعان ءبىر قاشقىن دا قامتىلعان. سول جەردەن كومپيۋتەر، تەلەفون، تەلەفون كارتۋچكاسى، بانكە كارتۋچكاسى جانە الداۋ تاسىلدەرىنىڭ ءتۇپ نۇسقاسى قاتارلى قىلمىس وتكىزۋ قۇرالدارىنان ءبىر توبى قولعا تۇسكەن. شەتەل ساقشى جاعى قازىر جۇڭگولىق قىلمىس كۇماندىلارىن ەلىمىزگە وتكىزىپ بەرگەن، قوعام حاۋىپسىزدىگى ورگاندارى ولاردىڭ زاڭعا قايشى قىلمىستىق فاكتتەرىن تۇبەگەيلى انىقتاپ، زاڭ بويىنشا قاتاڭ جازالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
