مىناداي قىسقا فيلمدەردى كوپتەگەن تەكشەلەر ينتەرنەتتەن ءوشىردى
2024.04.15 13:35 كەلۋ قاينارى : حالىق تورابى
جۋىردا وتباسىلىق قايشىلىقتاردى مەيلىنشە اسىرەلەيتىن قىسقا فيلمدەر وقيعا جەلىسى مەن وقيعالىق قاقتىعىسى سەبەبىنەن جۇرتتىڭ نازارىن اۋداردى. مۇنداي تاقىرىپتاعى قىسقا فيلمدەردىڭ كوبى ەرىكسىز سەلت ەتكىزەتىن سىڭار جاقتى وبىرازدار مەن قاي – قايداعى سودەگەي قارىم – قاتىناستار ارقىلى ەرلى – زايىپتىلاردىڭ قارىم – قاتىناسىن، ەنە مەن كەلىن قارىم – قاتىناسىن، ۇلكەندەر مەن جاستار اراسىنداعى قارىم – قاتىناستى قاساقانا اسىرەلەيدى. وسىنداي جاعدايلارعا باعىتتاي وتىرىپ، دوۋيىن، كۋايشوۋ تەكشەلەرى جۋىردا ”ەنە مەن كەلىن شايقاسىن“ قاساقانا قۇراستىرىپ، ۇشقارى كوڭىل – كۇيدى اسىرەلەگەن، قاتىستى بەلگىلەمەلەرگە قايشى كەلگەن قىسقا فيلمدەردەن ءبىر توبىن ينتەرنەتتەن ءوشىردى.
دوۋيىن جاريالاعان ۇقتىرۋعا قاراعاندا، جۋىردا ءىشىنارا قىسقا فيلمدەردىڭ دەنى دۇرىس ەمەس، كوپتىڭ كوڭىلىنەن جول تابا المايتىن وتباسىلىق كوزقاراستى، ۇيلەنۋ كوزقاراسىن ۇگىتتەپ، ەرلى – زايىپتىلار اراسىنداعى، ەنە مەن كەلىن اراسىنداعى قايشىلىق قاتارلى مازمۇنداردى قاساقانا اسىرەلەگەنى بايقالعان، اتالعان تەكشە «كۇيەۋىم اناسىنىڭ ەركەسى»، «ءتوزىمنىڭ شەگى»، «التىن بيكەشتىڭ قايتارما شابۋىلى»، «جۇكتى ايەل»، «مەنىڭ سوڭعى شارتىم»، «انامنىڭ تۋعان كۇنى» قاتارلى بەلگىلەمەگە قايشى 6 قىسقا فيلمدى ينتەرنەتتەن وشىرگەن.
كۋايشوۋ تەكشەسى جاريالاعان ۇقتىرۋعا قاراعاندا، اتالعان تەكشە تەكسەرۋ بارىسىندا كەيبىر قولدانۋشىلاردىڭ دەنى دۇرىس ەمەس، كوپتىڭ كوڭىلىنەن جول تابا المايتىن وتباسىلىق كوزقاراستى، ۇيلەنۋ كوزقاراسىن ۇگىتتەگەن مازمۇنداعى قىسقا فيلمدەردى جاريالاعانىن بايقاعان، بۇل فيلمدەر ەرلى – زايىپتىلار اراسىنداعى، ەنە مەن كەلىن اراسىنداعى، ۇلكەندەر مەن جاستار اراسىنداعى قايشىلىقتاردى قاساقانا اسىرەلەپ، ەنەلەردىڭ وبىرازىن اسىرە سىڭار جاقتى جيىركەنىشتى كورسەتىپ، قوعامداعى نەگىزگى قۇن كوزقاراسىنىڭ باعدارىنان اۋىتقىعان. الەۋمەتتىك اۋماق بەلگىلەمەسىنە ساي، «ەنەمنىڭ ءيت كۇركەسى»، «جۇكتى ايەل»، «تاقىرباس ايەلدىڭ ومىرگە قايتا كەلۋى»، «شالعايعا ۇزاتىلۋ مەن ومىرگە قايتا كەلۋ» قاتارلى بەلگىلەمەگە قايشى ءبىر توپ قىسقا فيلمدەردى ينتەرنەتتەن وشىرگەن، قاتىستى مازمۇنداردىڭ سانى 738 تارماق بولعان.
ينتەرنەتتەگى دىبىس – كەسكىن بازارىنىڭ اقاۋسىز دامۋىن قورعاۋ ءۇشىن، جۇڭگو ينتەرنەتتىك دىبىس – كەسكىن بىرلەستىگى ينتەرنەتتىك دىبىس – كەسكىن تەكشەلەرىمەن پىكىرلەسۋدى جانە سايكەسۋدى اناعۇرلىم كۇشەيتىپ، بەلگىلەمەگە قايشى مازمۇنداردى باقىلاۋ تەبىنىن ارتتىرىپ، بەلگىلەمەگە قايشى مازمۇندار بايقالسا دەر كەزىندە ءبىرجاقتى ەتىپ، بارشا توراپتاستاردىڭ زاڭدى ۇقىق – مۇددەسىنە كەپىلدىك ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
