مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋىن پارمەندى حاۋىپسىزدىك كەپىلدىگىمەن قامدايىق
− جالپى حالىقتىق مەملەكەت حاۋىپسىزدىگى تاربيەسى كۇنى بايلانىسىمەن
«حالىق گازەتىنىڭ» شولۋشىسى
2024.04.15 15:40 كەلۋ قاينارى : حالىق تورابى
مەملەكەت حاۋىپسىزدىگى − ۇلتتىڭ گۇلدەنۋىنىڭ نەگىزى، قوعام ورنىقتىلىعى − مەملەكەتتىڭ قۇدىرەتتەنۋىنىڭ العى شارتى. بۇگىن − 9 - رەتكى جالپى حالىقتىق مەملەكەت حاۋىپسىزدىگى تاربيەسى كۇنى. بىرنەشە كۇننەن بەرى جەر - جەر، تاراۋلار ”جالپىلىق مەملەكەت حاۋىپسىزدىگى كوزقاراسى، جاڭالىق اشۋ ارقىلى جەتەكشىلىك ەتۋدىڭ 10 جىلدىعى“ سىندى نەگىزگى تاقىرىپتى ارقاۋ ەتىپ، فورماسى الۋان ءتۇرلى، جۇرت قۇمارتا تىڭداپ، قۇمارتا كورەتىن ۇگىت - تاربيە قيمىلدارىن كەڭ كولەمدە ورىستەتىپ، ۇلكەن حاۋىپسىزدىك ۇستانىمىنىڭ جۇرت جۇرەگىنە تەرەڭ ۇيالاۋىن، تەرەڭ تامىر تارتۋىن ىلگەرىلەتتى.
2014 – جىلى 4 - ايدىڭ 15 – كۇنى باس شۋجي شي جينپيڭ ورتالىق مەملەكەت حاۋىپسىزدىگى كوميتەتىنىڭ 1 - رەتكى ءماجىلىسىن باسقارىپ اشىپ، جاڭا داۋىردە جۇڭگوشا سوتسياليزمددە تاباندى بولۋ جانە ونى دامىتۋ ستراتەگيالىق تۇرعىسىنان ماركسيزمدىك مەملەكەت حاۋىپسىزدىگى نازارياسىن زامانىمىزداعى جۇڭگونىڭ حاۋىپسىزدىك امالياتىمەن، جۇڭحۋانىڭ تاڭداۋلى ءداستۇرلى ستراتەگيالىق مادەنيەتىمەن ۇشتاستىرىپ، جالپى تۇلعالىق مەملەكەت حاۋىپسىزدىگى كوزقاراسىن جاسامپازدىقپەن العا قويدى. ”مەملەكەت حاۋىپسىزدىگى − مەملەكەتتى ورنىقتىرۋدىڭ ماڭىزدى ىرگە تاسى، مەملەكەت حاۋىپسىزدىگىن قورعاۋ − بۇكىل ەلدەگى ءار ۇلت حالقىنىڭ ءتۇبىرلى مۇددەسىنىڭ تياناعى“ دەپ اتاپ كورسەتىپ، ”حالىقتىڭ حاۋىپسىزدىگىن باس ماقسات، ساياسي حاۋىپسىزدىكتى ءتۇبىرلى نەگىز، ەكونوميكالىق حاۋىپسىزدىكتى نەگىز، اسكەري ىستەر، عىلىم - تەحنيكا، مادەنيەت، قوعامدىق حاۋىپسىزدىكتى كەپىلدىك ەتىپ، حالىقارالىق حاۋىپسىزدىكتى جەبەۋدى سۇيەنىش ەتۋدە تاباندى بولۋدى“ دارىپتەدى، باس شۋجي شي جينپيڭنىڭ جالپى تۇلعالىق مەملەكەت حاۋىپسىزدىگى كوزقاراسى جونىندەگى ماڭىزدى پايىمداۋلارى پارتيامىزدىڭ مەملەكەت حاۋىپسىزدىگى جونىندەگى تانىمىن تىڭ ورەگە جانە دەڭگەيگە كوتەرىپ، جاڭا داۋىردەگى مەملەكەت حاۋىپسىزدىگى قىزمەتىنە ءتۇبىرلى تياناق جانە ارەكەت باعدارناماسىن ازىرلەدى.
داعدارىستى شەشىپ، قيىن وتكەلدەن ءوتىپ، جاعدايعا توتەپ بەرىپ، جاڭا جاعداي اشتى. جاڭا داۋىردەن بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىردىك، مەملەكەت حاۋىپسىزدىگى جاپپاي كۇشەيىپ، ساياسي، ەكونوميكا، يدەولوگيا، تابيعات دۇنيەسى سياقتى جاقتاردان كەلگەن حاۋىپ - قاتەر مەن سىن - سايىستىڭ سىنىنان وتتىك. ورتالىق مەملەكەت حاۋىپسىزدىگى كوميتەتىن قۇرۋدان، مەملەكەت حاۋىپسىزدىگى سالاسىنداعى ءبىرسىپىرا زاڭدار مەن زاڭ ەرەجەلەردى بەلگىلەۋدەن، شىعارۋدان مەملەكەت حاۋىپسىزدىگىنە باسشىلىق ەتۋ ءتۇزىلىسى مەن زاڭمەن جونگە سالۋ جۇيەسىن، ستراتەگيالىق جۇيەنى، ساياسات جۇيەسىن ۇزدىكسىز كەمەلدەندىرۋگە دەيىن، ءتۇرلى حاۋىپ - قاتەر مەن سىن - سايىستان ءونىمدى ساقتانىپ جانە ونى شەشىپ، سىرتقى ۇشقارىلىقتىڭ قىسىمىنا توتەپ بەرىپ جانە وعان قايتارما سوققى بەرىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن بەرىك ەرىك - جىگەرمەن قورعادىق... مەملەكەت حاۋىپسىزدىگى قىزمەتىندە تاريحي تابىستارعا قول جەتىپ، تاريحي وزگەرىستەر تۋىلىپ، جالپى تۇلعالىق مەملەكەت حاۋىپسىزدىگى كوزقاراسىنىڭ عىلمي قۇنى مەن امالياتتىق ۇلى كۇشى ايگىلەنىپ، جۇڭگوشا مەملەكەت حاۋىپسىزدىگى جولى بارعان سايىن كەڭەيدى.
پارتيانىڭ 20 - قۇرىلتايى جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ ۇلى جوباسىن جاساپ، مەملەكەت حاۋىپسىزدىگى جۇيەسى مەن قابىلەتىن وسىزامانداندىرۋدى ىلگەرىلەتۋ، مەملەكەتتىڭ حاۋىپسىزدىگى مەن قوعام ورنىقتىلىعىن باتىل قورعاۋ جونىندە ستراتەگيالىق ورنالاستىرۋ جاسادى. باس شۋجي شي جينپيڭ 20 - كەزەكتى ورتالىق مەملەكەت حاۋىپسىزدىگى كوميتەتىنىڭ 1 - ماجىلىسىندە بىلاي دەپ دارىپتەدى: ”پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، مەملەكەت حاۋىپسىزدىگى ءدوپ كەلگەن كۇردەلى دە قيىن جاعدايدى جەتە تانىپ، كەلەلى مەملەكەت حاۋىپسىزدىگى ماسەلەلەرىن دۇرىس يگەرىپ، مەملەكەت حاۋىپسىزدىگى جۇيەسىن جانە قابىلەتىن وسىزامانداندىرۋدى جەدەل ىلگەرىلەتىپ، جاڭا دامۋ ارناسىن جاڭا حاۋىپسىزدىك ارناسىمەن قامتاماسىز ەتىپ، مەملەكەت حاۋىپسىزدىگى قىزمەتىنىڭ جاڭا جاعدايىن قۇلشىنا اشۋ كەرەك“. جۇڭگو ۇلگىسىندەگى وسىزامانداندىرۋ − بۇرىنعىلار ىستەپ كورمەگەن ءىس، سونداي - اق حاۋىپ - قاتەر مەن سىن - سايىسقا تولى، جاپالى قۇلشىنىس جاساۋعا ءتيىستى ۇلى ءىس. سوندىقتان، ءسوز جوق، جالپى تۇلعالىق مەملەكەت حاۋىپسىزدىگى كوزقاراسىن بۇلجىتپاي دايەكتىلەندىرىپ، مەملەكەت حاۋىپسىزدىگىن قورعاۋدى پارتيا مەن مەملەكەت قىزمەتىنىڭ ءار جاعىنىڭ تۇتاس بارىسىنا ءسىڭىرىپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىنا شىنايى كەپىلدىك ەتكەندە عانا، ەلىمىزدىڭ دامۋ، العا باسۋ تاعدىرىن ءوز قولىمىزدا بەرىك ۇستاي الامىز.
قازىر ءبىز ءدوپ كەلىپ وتىرعان مەملەكەت حاۋىپسىزدىگى ماسەلەسىنىڭ كۇردەلىلىگى، جاپالىلىعى كورنەكتى ارتۋدا. مەملەكەت حاۋىپسىزدىگى جۇيەسى مەن قابىلەتىن وسىزامانداندىرۋدى جەدەل ىلگەرىلەتىپ، سايكەستى، جوعارى ءونىمدى، زاڭمەن جونگە سالۋ وي جەلىسىنە، عىلىم - تەحنيكا قۋاتىنا، نەگىزگى ساتىنىڭ نەگىزىنە اناعۇرلىم ءمان بەرىپ، ءار جاقتاعى قۇرىلىستاردىڭ ورگانيكالى ۇشتاسۋىن، ىقپالداسىپ شوعىرلانۋىن ىلگەرىلەتۋ؛ ساپالى دامۋ سىندى ماڭداي الدى مىندەتتى مىقتاپ يگەرىپ، ساپالى دامۋ مەن جوعارى دەڭگەيلى حاۋىپسىزدىكتىڭ ءتيىمدى ىقپالداستىعىندا تاباندى بولىپ، ساپالى دامۋ ارقىلى جوعارى دەڭگەيلى حاۋىپسىزدىكتى جەبەپ، جوعارى دەڭگەيلى حاۋىپسىزدىك ارقىلى ساپالى دامۋدى قامتاماسىز ەتىپ، دامۋ مەن حاۋىپسىزدىكتىڭ اۋقىمدىق تەپە - تەڭدىگىن، ءبىر - بىرىنە ساي كەلۋىن جۇزەگە اسىرۋ؛ مەملەكەت حاۋىپسىزدىگىندە بارلىعىندا حالىق ءۇشىن ىستەۋدە، بارلىعىندا حالىققا سۇيەنۋدە تاباندى بولىپ، مەملەكەت حاۋىپسىزدىگىنىڭ قوعامدىق نەگىزىن بەكەمدەپ، مەملەكەت حاۋىپسىزدىگىن قورعاۋدىڭ قۇدىرەتتى كۇشىن توپتاۋ كەرەك.
جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرىپ، حالىقتىڭ الاڭسىز تىرشىلىك ەتۋىنە كەپىلدىك ەتۋدە مەملەكەت حاۋىپسىزدىگى − ماڭداي الدى ءىرى ءىس. جاڭا جورىقتا جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، مەملەكەت حاۋىپسىزدىگى جۇيەسىن اقاۋسىزداندىرىپ، مەملەكەت حاۋىپسىزدىگىن قورعاۋ قابىلەتىن كۇشەيتىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاساق، ءبىز، ءسوز جوق، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن پارمەندى حاۋىپسىزدىك كەپىلدىگىمەن قامدايمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
