ساۋدا مينيسترلىگىنىڭ مالىمدەمەشىسى ا ق ش – نىڭ جۇڭگوعا 301 – تارماق بويىنشا تەكسەرۋ جۇرگىزۋدى العا قويعانى جونىندە ءسوز جاريالادى
2024.04.18 14:15 كەلۋ قاينارى : حالىق تورابى
شينحۋا اگەنتتىگىنىڭ 4 – ايدىڭ 17 – كۇنى بەيجيڭنەن بەرگەن حابارى. ساۋدا مينيسترلىگىنىڭ مالىمدەمەشىسىنىڭ 4 – ايدىڭ 17 – كۇنى ايتۋىنشا، ا ق ش ۋاقىتى بويىنشا 4 – ايدىڭ 17 – كۇنى، ا ق ش – نىڭ ساۋدا ۋاكىلى كەڭسەسى جۇڭگونىڭ تەڭىز ىستەرىنە، زات اينالىمىنا جانە كەمە جاساۋ كاسىبىنە 301 – تارماق بويىنشا تەكسەرۋ جۇرگىزۋدى العا قويعانىن جاريالاعان. جۇڭگو جاق بۇعان قاتاڭ نارازىلىق ءبىلدىرىپ، باتىل قارسى تۇرعان.
ا ق ش جاقتىڭ ءوتىنىش حاتىندا شىندىققا جاناسپايتىن ايىپتاۋلار وتە كوپ بولىپ، قالىپتى ساۋدالىق قارجىلاندىرۋ ارەكەتىن ا ق ش – نىڭ مەملەكەت حاۋىپسىزدىگى مەن كاسىپورىنداردىڭ مۇددەسىن زياندايدى دەپ بۇرمالاعان، ءوزىنىڭ كاسىپ سالاسىنىڭ ماسەلەسىن جۇڭگودان كورگەن، مۇنىڭ شىنايى نەگىزى جوق، ەكونوميكالىق ساۋاتتارعا دا قايشى كەلەدى. ا ق ش – نىڭ كوپتەگەن زەرتتەۋ مالىمەتتەرىنە قاراعاندا، ا ق ش – نىڭ كەمە جاساۋ كاسىبى شەكتەن تىس قورعانىمپازدىقتىڭ سەبەبىنەن تالاي جىلداردىڭ الدىندا باسەكەلىك باسىمدىلىعىنان ايرىلعان. ا ق ش جاق ءوز ەلىنىڭ كاسىپ سالاسىنا ەسەپسىز كوپ قاراجاتپەن قوسىمشا قاراجات بەرىپ، باسقالاردى الالاعانىمەن، جۇڭگو جاقتى اتالمىش ”بازارعا جاتپايتىن ءتاسىل“ قولداندى دەپ ايىپتاعان. ءىس جۇزىندە، جۇڭگونىڭ كاسىپ سالاسىنىڭ دامۋى كاسىپورىنداردىڭ تەحنيكالىق جاڭالىق اشۋى مەن بازارداعى باسەكەگە بەلسەندى اتسالىسۋىنىڭ ناتيجەسى، ا ق ش – نىڭ ايىپتاۋى، مۇلدە، تابان تىرەپ تۇرا المايدى.
ا ق ش – نىڭ الدىڭعى كەزەكتى ۇكىمەتى جۇڭگوعا 301 – تارماق بويىنشا تەكسەرۋ جۇرگىزگەن ءارى جۇڭگوعا كەدەن باجىسىن ۇستەمەلەگەندە، دۇنيە جۇزىلىك ساۋدا ۇيىمى بۇل ارەكەت اتالعان ۇيىمنىڭ بەلگىلەمەلەرىنە قايشى كەلگەن دەپ كەسىم شىعارعان، دۇنيە جۇزىلىك ساۋدا ۇيىمىنىڭ مۇشەلەرى دە ا ق ش – نىڭ بۇل ارەكەتىنە قارسى تۇرعان. ا ق ش جاقتىڭ ەل ىشىندەگى ساياساتتىڭ قاجەتىنە بولا 301 – تارماق بويىنشا تەكسەرۋ جۇرگىزۋدى تاعى ورتاعا قويۋى قاتەلىك ۇستىنە قاتەلىك وتكىزگەندىك.
ءبىز ا ق ش جاقتى ءاماليات پەن كوپ جاقتى بەلگىلەمەلەرگە قۇرمەت ەتۋگە، قاتە ءتاسىلدى دەرەۋ توقتاتۋعا، ەرەجەلەردى نەگىز ەتكەن كوپ جاقتى ساۋدا تۇزىلىسىنە قايتىپ ورالۋعا قۋزايمىز. جۇڭگو جاق تەكسەرۋ ۇردىسىنە ءجىتى نازار اۋدارادى ءارى بارلىق قاجەتتى شارالاردى قولدانىپ، ءوزىنىڭ ۇقىق – مۇددەسىن باتىل قورعايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
