ەكونوميكانىڭ قايتا ورلەۋ جاعدايىن كۇش سالا بەكەمدەيىك جانە كۇشەيتەيىك
جۇڭيىن
2024.04.18 16:37 كەلۋ قاينارى : حالىق تورابى
1 - توقساندا حالىق شارۋاشىلىعى ءۇرتىس قايتا ورلەۋ جاعدايىن جالعاستىرىپ، ىشكى ءوندىرىستىڭ جالپى ءونىم قۇنى سايكەس مەزگىلدەگىدەن %5.3 ارتتى. سىرتقى ورتا كۇردەلى دە اۋىر بولعان جاعدايدا، ەلىمىز ەكونوميكاسىنىڭ باستالۋى ورنىقتى، باستاماسى جاقسى بولىپ، تۇتاس جىلدىق نىسانا ـ مىندەتتەردى جۇزەگە اسىرۋعا ءبىرشاما جاقسى نەگىز قالادى. بۇل جۇڭگو ەكونوميكاسىنىڭ سەرپىمدىلىگى كۇشتى، كومەسكى كۇشى زور، اينالىس كولەمى كەڭ، ۇزاق ۋاقىت جاقسارۋ نەگىزگى جاعدايىنىڭ وزگەرمەگەنىن تولىق ايگىلەپ، ءبىزدىڭ ەكونوميكانىڭ قايتا ورلەۋ جاعدايىن بار كۇشپەن بەكەمدەپ جانە كۇشەيتىپ، ساپالى دامۋدى تىڭعىلىقتى ىلگەرىلەتۋىمىزدە سەنىمدى ونان ارى سەرپىلتىپ، نەگىزدى بەكەمدەدى.
ورنىقتىلىق بارىسىندا ىلگەرىلەۋدىڭ نەگىزى اناعۇرلىم بەكەمدەلدى. بيىل 2 - ايدا ەلىمىز دەربەس زەرتتەپ جاساعان 300 مەگاۋاتتىق F دارەجەلى اۋىر تۇرپاتتى گاز ترۋبيناسىنىڭ تۇڭعىش ۇلگىسى شاڭحاي لينگاڭ باس قۇراستىرۋ جەلىسىنەن ءتۇستى. وسى ماڭىزدى بەلەستى جۇزەگە اسىرۋ _ تۇتاس لەنيادا كۇندى تۇنگە جالعاپ، كوپتەگەن شەشۋشى تەحنيكالاردان قامال الۋدىڭ ناتيجەسى، ءوندىرۋ، وقىتۋ، زەرتتەۋ، قولدانۋدىڭ ىشكەرىلەي توعىسۋىنان ايرىلا المايدى. جاڭالىققا قاراي تالپىنىپ، تىزبەك قالىپتاستىردى، ەلىمىزدىڭ كەلەلى عىلىم - تەحنيكا جەتىستىكتەرىنەن قۋانىشتى حابارلار ارت - ارتىنان تارالىپ، جاڭا ساپالى وندىرگىش كۇشتەر جەدەل جەتىلدىرىلىپ جانە قالىپتاسىپ، ساپالى دامۋعا پارمەندى قوزعاۋشى كۇش ازىرلەدى.
قازىر ەكونوميكانىڭ ۇزدىكسىز قالپىنا كەلۋىنە تىرەك بولاتىن بەلسەندى فاكتورلار كوبەيدى. قامداۋ جاعىنان قاراعاندا، 1 - توقساندا كولەمدەنگەن جوعارى تەحنيكالى جاساۋ كاسىبىنىڭ ارتقان قۇنى سايكەس مەزگىلدەگىدەن %7.5 ارتىپ، 2023 – جىلدىڭ 4 – توقسانىنداعىدان 2.6 پايىز جوعارىلاعان، جاڭا كاسىپ فورماسى، جاڭا ۇلگى ۇزدىكسىز جارىققا شىعىپ، ارتۋ جاعدايى پارمەندى بولعان. سۇرانىستان قاراعاندا، 1 - توقساندا قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى سايكەس مەزگىلدەگىدەن %4.7 ارتىپ، ىشكى سۇرانىستىڭ ەكونوميكانىڭ ارتۋىنا قوسقان ۇلەسى %85.5 كە جەتىپ، وراسان زور بازار تۇتىنۋ كومەسكى كۇشى ەكونوميكانىڭ باياندى، ورنىقتى جاقسارۋىنىڭ ورنىقتىرعىشىنا اينالدى. دامۋ نەگىزگى جاعدايىنان قاراعاندا، اۋىل شارۋاشىلىعى ءوندىرىسىنىڭ جاعدايى جاقسى، تۇرعىنداردىڭ تۇتىنۋ باعاسى جالپى جاقتان ورنىقتى، جۇمىستاندىرۋ جاعدايى جالپى جاقتان ورنىقتى، ورنىقتىلىق نەگىزى ۇزدىكسىز بەكەمدەلىپ، ىلگەرىلەۋ كۇشى ۇزدىكسىز توپتالدى.
ىلگەرىلەۋ ارقىلى ورنىقتىلىقتى جەبەپ، ارەكەت اناعۇرلىم پارمەندى بولدى. جۇڭگو ەكونوميكاسى _ الىپ كەمە، كولەمى قانشالىق ۇلكەن، تولقىن قانشالىق ۇلكەن بولسا، رولدى مەڭگەرۋ، جول باستاۋ سونشالىق ماڭىزدى بولماق. سىرتقى ورتانىڭ كۇردەلىلىگى، قاتاڭدىعى، تۇراقسىزدىعى الدىندا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، ماكرولىق تىزگىندەۋ تەبىنىن ارتتىرىپ، تاسىلگە بۇرىلىس جاساۋ، قۇرىلىمدى رەتتەۋ، ساپانى جوعارىلاتۋ، ونىمدىلىكتى ارتتىرۋ جاعىنا ۇزدىكسىز كۇش سالىپ، كۇردەلى جاعدايدى مەڭگەرۋ، ەكونوميكانىڭ دامۋىن ىلگەرىلەتۋ سىندى شەبەرلىك قابىلەتىمىزدى تولىق ايگىلەدىك.
«جوعارى دەڭگەيدە سىرتقا ەسىك اشۋدى تىڭعىلىقتى ىلگەرىلەتىپ، شەتەل قارجىسىن اناعۇرلىم زور تەبىنمەن باۋراۋ جانە پايدالانۋ ارەكەت جوباسىن» باسىپ تاراتۋدان، اتقارۋدان زور كولەمدى جابدىق جاڭالاۋ جانە تۇتىنۋ بۇيىمدارىنىڭ كونەسىن جاڭاسىنا اۋىستىرۋ سياقتى ساياساتتىق شارالاردى شىعارۋعا دەيىن؛ ءبىر تريلليون يۋان زايوم قارجىسىن تۇگەلدەي 15 مىڭ ناقتى نىسانعا تياناقتاندىرۋدان ولشەمدى 0.5 پايىز تومەندەتىپ، بازاردى ءبىر تريلليون يۋان ۇزاق ۋاقىتتىق جىلجىمالى قارجىمەن قامداۋعا دەيىن... ماكرولىق ساياساتتى ءبىر تۇتاس جوسپارلاۋدى، سايكەستىرۋدى كۇشەيتىپ، پارمەندى، ءونىمدى ساياساتتىق كەشەندى شارالار قولدانىپ، ساياساتتىڭ ونىمدىلىگىن ۇزدىكسىز كورنەكتىلەندىردىك. بيىل 3 ـ ايدا ەكونوميكالىق اينالىمنىڭ باعدار كورسەتكىشى بولعان جۇڭگونىڭ جاساۋ كاسىبىنىڭ ساتىپ الۋ ديرەكتورلىق كورسەتكىشى %50.8 كە جەتىپ، كەڭەيۋ ارالىعىنا قايتا ورالىپ، بازار سەنىمى ورنىقتى جوعارىلادى.
الدىمەن ورناتىپ، ونان سوڭ كۇشىنەن قالدىرۋدا شارت - جاعداي اناعۇرلىم جەتكىلىكتى بولدى. تاياۋدا ەكى توپ ساندى مالىمەت جۇرت نازارىن اۋداردى: 5 ميلليوننان استى، بۇل جۇڭگونىڭ ءار جىلى عىلىم، تەحنيكا، ينجەنەريا، ماتەماتيكا كاسىبىنەن وقۋ بىتىرەتىن وقۋشىلارىنىڭ سانى بولىپ، دۇنيە ءجۇزى بويىنشا الدىڭعى قاتاردا تۇرادى؛ شامامەن %50، بۇلحالىقارالىق اقىل - پاراسات قويماسى ساناعىنداعى جۇڭگونىڭ جوعارى مەكتەپتەرى تاربيەلەگەن ۇزدىك جاساندى زەردە زەرتتەۋشىلەرىنىڭ دۇنيە ءجۇزى بويىنشا ۇستايتىن سالىستىرماسى بولىپ، دۇنيە ءجۇزى بويىنشا ءبىرىنشى ورىندا تۇرادى. ”جان سانى پايداسىنان“ ”دارىندىلار پايداسىنا“ ءوتۋ _ عىلىم - تەحنيكادا جاڭالىق اشۋدى ىلگەرىلەتۋدىڭ، كاسىپ تيپىن وزگەرتۋدى جۇزەگە اسىرۋدىڭ ءتيىمدى شارت - جاعدايى، ونان دا ماڭىزدىسى، ەكونوميكانىڭ باياندى، اقاۋسىز دامۋىن ساقتاۋدىڭ كورنەكتى ابزالدىعى.
ەلىمىزدىڭ دامۋى بەرىك نەگىزگە، كوپتەگەن ابزالدىققا جانە وراسان زور كومەسكى كۇشكە يە، ءدوپ كەلگەن ءتيىمدى شارت - جاعداي ءتيىمسىز فاكتورلاردان كۇشتى. ەرەكشە كەڭ كولەمدى بازاردىڭ قاجەتسىنۋ ابزالدىعىن مىسالعا الساق، 1 - توقسانداعى دەمالىس كەزىندەگى تۇتىنۋ ءۇرتىس كۇسەت بولىپ، تۇتىنۋدىڭ دارەجەسىن جوعارىلاتۋ بەتالىسىن بەينەلەدى، ەلىمىزدىڭ جاڭا ەنەرگيالى اۆتوموبيلدەرىنىڭ ءوندىرۋ، ساتۋ مولشەرى سايكەس مەزگىلدەگىدەن جەكە - جەكە %28.2 جانە %31.8 ارتىپ، جاسىل تۇتىنۋدىڭ جۇرت جۇرەگىنە تەرەڭ ۇيالاۋىن ايگىلەدى. بولاشاققا بەت العاندا، ءبىر ميلليارد 400 ميلليوننان استام حالىق سانىنىڭ قارتتاردى كۇتىمگە الۋ، اماناتتاپ تاربيەلەۋ، مادەنيەت، ساياحات، دەنە تاربيە، جاسىل تۇرمىس سياقتى تۇتىنۋدىڭ ساپاسىن جوعارىلاتىپ، سيىمدىلىعىن ارتتىرۋ كومەسكى كۇشى وراسان زور. ءتيىمدى ورايدى مىقتى يگەرىپ، ءتيىمدى شارت ـ جاعدايدان ويداعىداي پايدالانىپ، دامۋدىڭ جاڭا قوزعاۋشى كۇشىن، جاڭا ابزالدىعىن ۇزدىكسىز سومداۋ كەرەك.
ورنىقتىلىق بارىسىندا جاقسارۋعا بەت العان سايىن، نىق قادام تاستاپ، ورنىقتى، تەبىندى ىستەۋ كەرەك. ساپالى دامۋ سىندى ماڭداي الدى مىندەتتى مىقتاپ يگەرىپ، رەفورما جاساپ، ەسىك اشۋ سىندى شەشۋشى شارادان ويداعىداي پايدالانۋدا تاباندى بولىپ، قىزمەتتىڭ كوزدەۋ ءتۇيىنىن، ساياساتتىڭ كۇش سالۋ ءتۇيىنىن ءداپ باسىپ تاۋىپ، شىنايى يگەرىپ، ناقتى ىستەۋ بارىسىندا زەيىن ـ زەردەنى، كۇش ـ قۋاتتى ۇيىستىرىپ، قيىندىقتاردان قامال الۋ بارىسىندا ەرلىكپەن العا باسساق، جۇڭگو ەكونوميكاسى، ءسوز جوق، تولقىن جارا ىلگەرىلەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
