”كوشىرىلگەن“ يۇنشاڭ شاعىن قالاشىعى (وڭىرلىك سايكەستى دامۋعا بايلانىستى شاعىن تۇيىندەرگە نازار)
«حالىق گازەتىنىڭ» تىلشىلەرى شۇي نو، ما چىن
2024.04.18 16:42 كەلۋ قاينارى : حالىق تورابى
كىرىسپە
باس شۋجي شي جينپيڭ بىلاي دەپ اتاپ كورسەتتى: ”پارتيانىڭ 18 ـ قۇرىلتايىنان بەرى ءبىز ءبىرقىدىرۋ وڭىرلىك سايكەستى دامۋ ستراتەگياسى، وڭىرلىك كەلەلى ستراتەگيا، نەگىزگى تۇلعالىق فۋنكتسيالىق رايون ستراتەگياسى سياقتىلاردى اتقارىپ، جاڭا دامۋ ارناسىن قالىپتاستىرۋدا، ساپالى دامۋدى ىلگەرىلەتۋدە ماڭىزدى تىرەكتىك رول اتقاردىق“.
سولتۇستىك جۇڭگو جازىعىنان وڭتۇستىك جۇڭگونىڭ بايتاق دالاسىنا دەيىن، حۋاڭحى وزەنى الابىنان چاڭجياڭ وزەنى بويىنا دەيىن، بەيجيڭ ـ تيانجين ـ حىبەيدىڭ سايكەستى دامۋى، چاڭجياڭ ەكونوميكالىق بەلدەۋىنىڭ دامۋى، گۋاڭدۇڭ ـ شياڭگاڭ ـ اۋمىن ۇلكەن شىعاناق رايونى قۇرىلىسى، چاڭجياڭ اتىراۋىن ءبىر تۇلعالاندىرىپ دامىتۋ، حۋاڭحى وزەنى الابىنىڭ ەكولوگياسىن قورعاۋ جانە ساپالى دامۋ سياقتى ءبىرقىدىرۋ وڭىرلىك كەلەلى ستراتەگيا تىڭعىلىقتى ىلگەرىلەپ، جاڭا دامۋ جاعدايىن جەدەل قالىپتاستىرۋ، ساپالى دامۋدى جۇزەگە اسىرۋ ءۇشىن نەگىزدى بەكەمدەپ، ارقاۋدى نىعايتىپ، ەلىمىز ەكونوميكاسى دامۋىنىڭ كەڭ دە جاڭا كەڭىستىگىن ۇزدىكسىز اشتى.
گازەتىمىز بۇگىننەن باستاپ ”وڭىرلىك سايكەستى دامۋعا بايلانىستى شاعىن تۇيىندەرگە نازار“ ارناۋلى ايدارىن اشىپ، رەداكتور، تىلشىلەر نەگىزگى ساتىعا ىشكەرىلەي ارالاسىپ، ”ءتورت قابىلەتتى“ امالياتتا ايگىلەپ، ءبىر اۋماقتان جالپى جاعدايعا، جالپى جاعدايدان ءبىر اۋماققا كوز جىبەرىپ، ءارقايسى ءوڭىردىڭ وڭىرلىك سايكەستى دامۋ ستراتەگياسىن ىشكەرىلەي اتقارۋىنىڭ جاندى امالياتىن ميكرولىق تۇرعىدان ايگىلەيدى.
بەيجيڭ داحۇڭمىننان اتتانىپ، بەيجيڭ - تاييۋان جوعارى قارقىندى تاس جولىن بويلاپ 40 نەشە مينۋت ءجۇرىپ، حىبەي ولكەسى يۇڭچيڭ اۋدانىنىڭ يۇنشاڭ شاعىن قالاشىعىنا جەتتىك.
2017 - جىلى جاڭادان سالىنعان وسى شاعىن قالاشىق _ حىبەي ولكەسىنىڭ تۇڭعىش توپتاعى بەيجيڭنىڭ استاناعا جاتپايتىن فۋنكتسيالارىن جالعاستىراتىن ءتۇيىندى نىسانى، قازىرگى 1 -، 2 - مەرزىمدىك نىسانداردىڭ يەلەگەن جەر اۋماعى 410 مۋ، قۇرىلىس اۋماعى 620 مىڭ شارشى مەتر، قازىر 12 مىڭ 500 ادام كاسىپپەن شۇعىلداناتىن، جىلدىق ءونىم قۇنى 5 ميلليارد يۋاننان اساتىن ”جاڭا ۇلگىدەگى قالا“.
4 ـ ايدىڭ 9 ـ كۇنى تاڭەرتەڭ ساعات 6 دا حى جينپيڭ اۆتوكولىكپەن ءوزىنىڭ كيىم ـ كەشەك دۇكەنىنە باردى.
”ساعات 7 دە زات كىرگىزۋشى الاڭعا كىرەدى، جاسالعان جاڭا زات ءنومىرىن تەز ارادا جاقسى ساقتاۋىمىز كەرەك“ دەدى حى جينپيڭ ءبىر جاعىنان ەسەپ داپتەرىن اۋدارىپ، جاڭا بۇيىمداردى اداقتاپ جاتىپ. ونىڭ دۇكەنى يۇڭچيڭ اۋدانى يۇنشاڭ شاعىن قالاشىعىنداعى يۇنشاڭ كيىم - كەشەك الاڭىنىڭ 1 - ءنومىرلى سارايىندا، ەسەپ داپتەرىنە ”بەيجيڭ داحۇڭمىن“ دەگەن ءسوز باسىلعان − ”بۇل كەزىندە پايدالانىپ بولماعان داپتەر“.
يۇنشاڭ شاعىن قالاشىعىنان سولتۇستىككە قاراي 50 نەشە كيلومەتر قاشىقتىقتا بەيجيڭ داحۇڭمىن تۇر، بۇل _ حى جينپيڭ 2003 - جىلدان باستاپ يگىلىك جاراتقان جەر. بۇرىنعى داحۇڭمىن كيىم - كەشەك تولايىم ساتۋ بازارىندا ”ادام كوپ، كولىك كوپ، شاعىن دۇكەندەردىڭ بارلىق جەرى قوراپتالعان زاتتار. ەسىك الدىندا ءار كۇنى ماشينا بوگەلىپ قالادى“.
جوعارى ساپالى سەيىلتۋ مەن دامىتۋدى قاتار جۇرگىزۋ _ بەيجيڭ - تيانجين - حىبەيدىڭ سايكەستى دامۋى جونىنەن العاندا، ءسوز جوق، جاۋاپ بەرۋگە ءتيىستى ماسەلە. 2017 ـ جىلدان باستاپ بەيجيڭنەن كوشىپ شىققان كيىم ـ كەشەك ساۋداگەرلەرىنىڭ 3800 دەن استامى يۇنشاڭ شاعىن قالاشىعىندا جاڭا دامۋ ورنىنا يە بولدى. حى جينپيڭ ءبىرىنشى توپتا شاعىن قالاشىققا ىرگە تەۋىپ، ”ەكىنشى رەت يگىلىك جاراتۋدى“ باستادى.
”ءبىز _ سەيىلتۋدىڭ ارەكەت جاساۋشىلارىمىز، سونداي ـ اق سەيىلتۋدىڭ يگىلىگىن كورۋشىلەرمىز“. حى جينپيڭ جەكە ادامنىڭ تاعدىرى بەيجيڭ - تيانجين - حىبەيدىڭ سايكەستى دامۋىن ىلگەرىلەتەتىن مەملەكەتتىك ستراتەگيامەن تىعىز بايلانىستى ەكەنىن ايتتى.
سەيىلتۋ جاي عانا كوشە سالۋ ەمەس. يۇنشاڭ شاعىن قالاشىعىنا كوشىپ بارعاندا، حى جينپيڭ تيپىن وزگەرتىپ، دارەجەسىن جوعارىلاتۋ ارمانىن جۇزەگە اسىردى. ”40 شارشى مەترگە جۋىق دۇكەن ساتىپ الدىم، تاعى 60 شارشى مەترگە جۋىق دۇكەن مايلاپ الدىم“. كوشۋدەن بۇرىن دۇكەن شاعىن بولاتىن، كوسىلە المايتىنبىز، تەك 20 نەشە بۇيىمدى عانا ءىلىپ قوياتىنبىز، قازىر 100 دە 200 بۇيىمدى كورسەتە الاتىن بولدىق، ”دۇكەننىڭ كولەمى 10 ەسە كەڭەيدى، جىلدىق ماي اقىسى كوپ تومەندەدى“.
كيىم - كەشەك ساۋداگەرلەرى عانا ەمەس، تىستىق ماتەريال جاساۋشىلار دا، تۇيمە، سىدىرما جاساۋشىلار دا كەلدى، جوعارعى، تومەنگى اعارداعى كونە الارماندار تاعى دا ىزدەي باستادى.
تۇستەن بۇرىن ساعات 10 عا تاياعاندا شاعىن قالاشىققا كەلىپ ساتىپ الاتىندار بارعان سايىن كوبەيدى. كونە الارماندار ۇنەمى حىبي ولكەسىنىڭ شياڭحى اۋدانىنان كەلەدى، بۇرىن ۇنەمى داحۇڭمىنعا بارىپ زات كىرگىزەتىن، سەيىلتكەننەن كەيىن، بارىس - كەلىس ءتىپتى دە قولايلى بولدى.
جەدەل جەتكىزۋ بەكەتى كيىم ـ كەشەك الاڭىنىڭ 1 ـ قاباتىندا. چاڭسۋلۇڭنىڭ قالتالارى اۆتوموبيلگە تيەلىپ، جاقىن ماڭداعى يۋانتۇڭ تەز جەتكىزۋىنىڭ سولتۇستىك باس شتاپ بازاسىنا جەتكىزىلەدى. جۇك اۆتوموبيلدەرىنىڭ كىرىپ - شىعۋى ءتارتىپتى بولىپ، سۇرىپتاۋ جابدىقتارى جوعارى قارقىنمەن اينالىمعا ءتۇستى، بەيجيڭ - تيانجين - حىبەي وڭىرىندە زاتتى كەلەسى كۇنى جەتكىزۋ شاماسى %95 تەن استى.
”بۇگىنگى تاپسىرىس وتە كوپ، 400 نەشە بۇيىمدى جونەلتىپ، 16 مىڭ يۋاندىق زات ساتتىم“. تۇستەن كەيىن ساعات 2 دە دۇكەندى جاپقاننان كەيىن حى جينپيڭ ەسەپ جاساپ، قۋانىشى قوينىنا سيمادى.
دۇكەن جابىلعاننان كەيىن حى جينپيڭ ءوز زاۆودىنا بارىپ كورىپ، ”ماۋسىم اۋىسايىن دەدى، جوبالاۋشىنى بىرنەشە ءتۇرلى جاڭا بۇيىم جاساۋعا ۇسىنىس ەتپەكپىن، تىڭعىلىقتى ىستەسەك، تابىسقا جەتەمىز“ دەدى كامىل سەنىممەن.
يۇنشاڭ شاعىن قالاشىعىنىڭ وزگەرىسى، كاسىپ سالاسىنىڭ جەتىلۋى بەيجيڭ - تيانجين - حىبەيدىڭ كاسىپ سالاسىنىڭ سەيىلتۋ بارىسىندا تيپىن وزگەرتىپ، دارەجەسىن جوعارىلاتۋىنىڭ، ۇلاستىرۋ بارىسىندا جاڭا وراي جاراتۋىنىڭ سايكەستى دامۋ قۇپيا سيفرىن ءتۇسىندىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
